АНУ-ын Форт Беннин хотноо тавдугаар сарын 14-23-нд “Лондон-2012” олимпийн эрх олгох буудлага спортын Дэлхийн цомын тэмцээнд онч сорих манай мэргэн буудагчид өчигдөр эх орноосоо мордлоо. Багийн бүрэлдэхүүнд О.Гүндэгмаа, Ц.Мөнхзул, Т.Баярмаа, Ц.Хонгорзул, Э.Даваахүү, Б.Бишрэл, З.Батхуяг, Ч.Нарантуяа, О.Янжинлхам, Г.Нандинзаяа, Я.Ганцоож, Н.Баяраа нар, дасгалжуулагч Л.Ундралбат, Б.Алтанцэцэг, О.Энхсайхан нар багтсан байна.

“Афин-2004”, “Бээжин-2008” олимпийн эрхийг эхний дайралтаараа халаасалсан буудагчдын уламжлал энэ жил алдагдаж, Сидней, Чанвоны Дэлхийн цомд бүтэлгүйсэн ч “Сэм авга”-ын тэнгэр ивээх нь дамжиггүй.