Голландын Эммелорд, Урк хотноо болж буй даамын дэлхийн аварга шалгаруулах тэмцээнд манай улсаас Ази тивийн дөрвөн удаагийн аварга Дөлийн Эрдэнэбилэг оролцож байгаа билээ.

Манай тамирчин эхний гурван тавилдаа 2011 оны Пан Америкийн аварга, Бразилийн их мастер Аллан Силваг хожиж, дэлхийн аварга цолыг эзэмшигч ОХУ-ын Александр Шварцман, өнгөрсөн жилийн Европын аваргын мөнгөн медальт Муродулло Амриллоев нартай эвийн гэрээ байгуулаад байсан юм. Тэгвэл уржигдар болсон дөрөв дэх өрөгт тэрбээр Азийн АШТ-ий мөнгөн медальт Узбекистаны гроссмейстер Алишер Артыковыг буулган авсан байна.

Ийнхүү Д.Эрдэнэбилэг дэлхийн дөрвөн удаагийн аварга Александр Георгиев (ОХУ), 2011 оны залуучуудын дэлхийн аварга Роел Бумстра (Голланд) нарын хамт тэмцээнийг 6.0 оноотой хошуучилж явна.