“Нийслэл лиг” тэмцээн үнэхээр үзүүштэйгээр шргэлжилсээр.  3 тоглолтын дараахь байдлаар адилхан 4 оноотойгоор хүснэгтийн дундуур бичигдэж байсан “Сэлэнгэпресс”  баг талбай дээрээ “FC Ulaanbaatar”  багийг хүлээн авлаа. Тун ширүүн өрсөлдөөн дунд эхэлсэн энэхүү тоглолтын эхнийхийг зочин багийн “гоолын машин” Б.Амарбаясгалан 25 дахь минутад хийлээ. Аль аль нь гоол хийх сайхан боломжуудыг олныг гаргаж байсан боловч гоол орох тун дургүй байлаа. “Сэлэнгэпресс баг” хагас хамгаалагч улсын шигшээ багийн тамирчин, спортын мастер Г.Даваа-Очирыг төвийн хамгаалагчийн байрлалд тоглуулсан нь их л сонин шийдвэр байсан. Гэвч энэ нь үнэхээр зөв гэдэг нь дугаар үеэс мэдрэгдэж эхэллээ. Олон олон аюултай довтолгоог хашир туршлагатай тоглогч тасалж байсныг дурдах хэрэгтэй.

Эхний үе гоол орсонгүй. 1:0 харьцаатай зочин багийн давамгайлал дор өндөрлөлөө. 2 дугаар үе эзэн баг завсарлагааны үр шимийг үзүүлж эхэллээ. 64 дэх минутад 13 дугаартай Д.Энхбазар эхний гоолыг оруулсан бол 72 дахь минутад 12 дугаартай Г.Мөнх-Эрдэнэ гоол хийснээр зочин баг 2:1 харьцаатайгаар тэргүүлж эхэллээ. Тоглолтын үндсэн цаг дуусах мөчид буюу 89 дэх минутад зочин багийн Б.Амарбаясгалан 2 дахь гоолоо хийснээр тоглолт 2:2 харьцаатай боллоо. Ингэснээр зочин баг хэт тайвшрав бололтой. Тоглолтыг 6 минут шүүгч сунгасан нь эзэн багийн ялалтыг тодорхойлох ёстой байж.

Энэ жилээс шигшээ багт нэр нь дэвшээд байгаа баруун жигүүрийн хамгаалагч 11 дугаартай М.Алтанхүүгийн цохилт байгаа онож эзэн баг өөрийн 2 дахь ялалтаа баталгаажууллаа.

Лигийн тэмцээнд багууд тус бүр 4 тоглолт хийгээд байгаа бөгөөд нийт 52 гоол орсон нь 1 тоглолтод дунджаар 3,5 гоол орсон үзүүлэлтийг үзүүлж байна.

1. Х.Амгалан                       Хоромхон      6 гоол
2. Ц.Түмэнжаргал               УБДС              4 гоол
3. Б.Амарбаясгалан             FC UB                        4 гоолтой мэргэн буучийг тэргүүлж байна.

Маргааш Эрдэнэт хотод болох Лигийн 4 удаагийн аварга “Хангарьд” баг, Лигийн хошой хүрэл медальт “Хүлэгүүд” багтай хүч үзнэ.

Гоол хийсэн тамирчид

***