Домогт Диего Марадона Дубай хотын Аль Васл багийн ерөнхий дасгалжуулагчаар томилогдлоо. Өнгөрсөн долоо хоногийг Мара Дубайд хэлцэл хийхээр өнгөрөөсөн бөгөөд хэлцэл үр дүнд хүрч хоёр жилийн гэрээ байгуулсан гэнэ. Марадона дараа улирлаас багаа дасгалжуулах бөгөөд хэлэлцээрээ дуусгаж Аргентин руу нисэхийн өмнө бэлтгэл дээр очиж тамирчидтай уулзалт хийжээ.

Өнгөрсөн ДАШТ-ээр Германы шигшээд хожигдсоноос хойш ажилгүй байсан тэр ийнхүү арабын хойгийг зорих нь ээ.

Түүний удирдах Аль Васл клуб одоогоор Арабын Нэгдсэн Эмиратын лигтээ 4-р байранд явж байгаа бөгөөд таван тойргийн тоглолт дутуу байгаа гэнэ.