Премьер лигийн 37-р тойрогт Вэст Хэм Уиган Атлетикт 3 : 2-оор ялагдаж доод лиг рүү унах нь “найраагүй” тодорхой болсон билээ. Уг тоглолтын дараа “Алх”-нуудын удирдлага Аврам Грантыг ажлаас нь чөлөөлж байгаагаа албан ёсоор зарласан. Өнгөрсөн зун Израйль дасгалжуулагч Вэст Хэмтэй 4 жилийн гэрээ үзэглэж байсан. Гэвч 2002/03 оны улирлаас хойш клубыг анх удаа доод лиг рүү хөтөлж орхисон. Тиймээс түүний гэрээг цуцалж шинэ дасгалжуулагч хайхаар боллоо. Одоогоор хэн Грантын халааг авах нь тодорхой бус байна. Мартин О’Нейл, Крис Хьютон гэсэн нэр яригдаж байгаа. Өдгөө 56 настай Грант өмнө нь премьер лигийн Челси, Портсмут багуудыг дасгалжуулж байсан билээ.