Хөлбөмбөгийн өсвөр үеийн УАШТ  өндөрлөлөө. 13 хүртэлх насны ангилалд 20 баг өрсөлдсөнөөс Ж.Баяртулга дасгалжуулагчтай “Дэрэн Сүмида” түрүүлж, Б.Болд дасгалжуулагчтай УБДС, С.Жаргалсайхан дасгалжуулагчтай “Дархан-Хаан хүнс” баг мөнгө, хүрэл медалийг хүртлээ. Энэ насны ангиллын шилдэг хаалгачаар Ц.Эрдэнэжаргал (Дэрэн Сүмида), хамгаалагчаар Э.Энх-Орчлон (Дархан-Хаан хүнс), хагас хамгаалагчаар Э.Тэлмэнбаяр (УБДС), довтлогчоор О.Билигт (Дархан-Хаан хүнс) тодорсон.

15 хүртэлх насны ангилалд 16 баг оролцож,  “Эрчим”, “Хоромхон”,  “Дархан-Хаан хүнс” медальт байрт шалгарав. Шилдэг хаалгачаар Ж.Сайханжаргал (Дархан-Хаан хүнс), хамгаалагчаар Б.Дагвасүрэн (Эрчим), хагас хамгаалагчаар Ө.Баасансүрэн (Хоромхон), довтлогчоор Ж.Ган-Оргил (Дархан-Хаан хүнс) тодров. Энэ насны ангилалд медаль хүртсэн багуудаас гадна дөрөвдүгээр байр эзэлсэн “Хүлгүүд”, дунд шөвөгт шалгарсан “Хаан хүнс-Титэм”, “Зүүнхараа-Бамбар”, “Мазаалай”, “Сэлэнгэ Пресс” энэ зун болох шилдэг найман багийн лигийн тэмцээнд оролцох эрх авлаа.