Дортмунд аваргын цомоо ёслол төгөлдөр өргөж , гайхалтай улирлыг үдлээ.

Гоол:34-р тойрогт 29 гоол орсон нь нэг тоглолтонд дунджаар 3,2 гоол юм. Нийт 306 тоглолтонд 894 бөмбөг оржээ.

2-р лигд уруудагчид: Айнтрахт Франкфурт дөрөвдэх удаагаа,. Сант Паули гуравдахь удаагаа Бундеслигээс чансаа буурч байна . Харин Мөнхенгладбах анх удаа 2-р лигээс чансаа ахиж байгаа багтай  дээд лигд үлдэхийн төлөө тоглох эрх  авлаа.

Мэргэн бууч: Марио Гомес 28 гоолтой мэргэн буучаар тодров. Тэрээр Фрайбургийн Папис дэмба Сиссегээс 6 гоолын илүүгээр энэхүү шагналыг хүртэх эрхтэй болсон юм. Марио Гомес  1981/82 оны улирлаас  хойш  нэг улиралд 28 гоол оруулсан гурван тоглогчийн нэг болж байна. Үүнээс өмнө Айлтон 2003/04, Графитте 2008/09 оны улиралд тус бүр 28 гоол оруулж байв.

Оновчтой дамжуулалт, гоолын  нийлбэр оноо : Марио Гомес мөн энэ жагсаалтыг 30 оноотой тэргүүлэв. Томас Мюллер 12 гоол , 11 оновчтой дамжуулалтын  23 оноотой удаалжээ.

Карт: Франкфуртын Марсел Титш-Ривейро цорын ганц улаан хуудас авсан тоглогч болов. Тэр тайлбайд гарч ирсэнээс хойш 43 секундын дараа улаан хуудас авсанаар шинэ амжилт тогтоов.

11 метрийн торгууль: Таван торгуулийн цохилт өгөгдсөнөөс хоёр нь оржээ. Франкфуртын хаалгач Ральф Ферманн  Дортмунды хоёр 11 метрийн цохилтыг хаасан юм. Дортмунд сүүлийн 6  11 метрийн торгуулийн цохилтыг бүгдийг нь алджээ. Нури Сахин 4 удаа, Барриос 1, Деде 1 удаа алдсан.

Цуврал: Франкфуртын дасгалжуулагч  Кристоф Даум 7  тоглолт дарааллан хожил авсангүй (3 тэнцээ 4 хожигдол) Мөн түүний дасгалжуулсан баг анх удаа 2-р лигд чансаа буурав. Тэр  2-р лигд тоглох багийг дасгалжуулах боломжгүй гэдэг шалтгаанаар  багаасаа явах шийдвэр гаргасан юм.

Дээд амжилт: Ханновер 96 анх удаа Бундеслигийн түүхэнд 4-р байрт шалгарлаа. Тэд нийт 60 оноотой улирлыг дуусгасан нь клубын түүхэнд байгаагүй дээд амжилт юм.

 

Ирэх улиралд 2-р лигээс  Херта БСЦ  болон Аугсбург багууд Бундеслигд дэвшин тоглох бөгөөд  Бохум болон  Мөнхенгладбах  багууд 5 сарын 19 болон 25 нд тоглож дээд лигд хэн нь шалгарч үлдэхээ шийднэ.

 

Байерн- Штутгарт 2:1

Дортмунд-Франкфурт 3:1

Хамбург-Гладбах 1:1

Майнц-Сант Паули 2:1

Хоффенхайм-Вольфсбург 1:3

Көльн-Шальке 2:1

Фрайбург- Байер Леверкузен 0:1

Ханновер- Нюрнберг 3:1

Кайзерслаутерн-Бремен 3:2

 

1 БОРУССИЯ Д 34 23 6 5 67-22 75 2 БАЙЕР 34 20 8 6 64-44 68 3 Байерн 34 19 8 7 81-40 65 4 ХАННОВЕР 34 19 3 12 49-45 60 5 МАЙНЦ 34 18 4 12 52-39 58 6 НЮРНБЕРГ 34 13 8 13 47-45 47 7 КАЙЗЕРСЛАУТЕРН 34 13 7 14 48-51 46 8 ХАМБУРГ 34 12 9 13 46-52 45 9 ФРАЙБУРГ 34 13 5 16 41-50 44 10 КЕЛЬН 34 13 5 16 47-62 44 11 ХОФФЕНХАЙМ 34 11 10 13 50-50 43 12 ШТУТГАРТ 34 12 6 16 60-59 42 13 ВЕРДЕР 34 10 11 13 47-61 41 14 ШАЛЬКЕ 04 34 11 7 16 38-44 40 15 ВОЛЬФСБУРГ 34 9 11 14 43-48 38 16 БОРУССИЯ М 34 10 6 18 48-65 36 17 АЙНТРАХТ 34 9 7 18 31-49 34 18 САНТ-ПАУЛИ 34 8 5 21 35-68 29

Бундеслиг : 34 –р тойрог , 9.7 out of 10 based on 6 ratings