Энэ сарын 28-нд хойд хөршийн нийслэл Москва хотноо, “Дружба” спорт цогцолборт “ОХУ-ын самбо бөхийн холбооны Ерөнхийлөгчийн цом” эрэгтэйчүүдийн багийн олон улсын тэмцээн зохиогдох гэж байна. Энэхүү тэмцээнд манай улсаас энэ жилийн улсын аваргын түрүү бөхчүүдээр бүрдүүлсэн багтай оролцох ажээ.

Самбо бөхийн энэ тэмцээнтэй давхцан жүдо бөхийн Москвагийн Их дуулга (V.28-29) болох ба самбогийн аваргуудаас жүдогийн шигшээд багтсан жингүүдэд удаах байрын тамирчид нөхөн хүч үзэх гэнэ. “Ерөнхийлөгчийн цом”-д зохион байгуулагчдаас гадна Беларусь, БНСУ, Болгар, Венесуэл, Гүрж, Казахстан, Монгол, Марокко, Францын самбочид оролцохоор мэдүүлгээ өгчээ.