Азийн дөрвөн удаагийн аварга, их мастер Д.Эрдэнэбилэг Недерландын “Эммелор” хотноо дэлхийн аваргад оролцож  байгаа билээ. Өчигдөр манай тамирчин 13 дахь тоглолтоо  Литвийн их мастер Эдвард Бузинскийтэй хйисэн бөгөөд цагаанаар  нүүж, хожил авлаа.  Тэмцээнийг 12 өргийн дараах байдлаар 11-р байрт бичигдээд байсан тэрбээр энэ хожлыг авснаар  7-р байр луу урагшилж байна.

Д.Эрдэнэбилэг 13 өргөөс гурав хожиж, найм тэнцэж, хоёр хожигдсоноор нийт 14 оноотой явж байгаа.  Одоогийн байдлаар ОХУ-ын их мастер, дэлхийн дөрвөн удаагийн аварга Александ Георгиев нийт 19 оноотой тэмцээнийг ганцаараа манлайлж байна. Даамчид өнөөдөр 14 дэх өргийн тоглолтоо хийх бөгөөд Д.Эрдэнэбилэг Латвийн их мастер Гунтис Валнеристай хараар нүүнэ.
Даамын дэлхийн аварга шалгаруулах тэмцээн энэ сарын 28-нд өндөрлөнө.