“Даллас Маверикс” Оклахома хотод зочилж цувралын гурав дахь тоглолтыг хийв. Тоглолтын эхний хагаст бүрдүүлсэн онооны давуу байдлынхаа ачаар тэд 93-87-гоор  ялалт байгуулж 2 : 1-ээр цувралыг тэргүүлж эхэллээ. Эхний хоёр үеийн дараа “Даллас” 36-52-ээр тэргүүлж байсан. Сүүлийн хагаст “Тандер” оноогоор нөхсөн ч ялалт авах хэмжээний сайн байсангүй.

Эхний хоёр тулаанд багаа магнайлсан Дюрант (24 оноо, 12 самбар, 5 дамжуулалт), Новицки (18 оноо 4 самбар) нар бүх үзүүлэлтээр тэгш, давгүй тоглолт үзүүлсэн. Гэхдээ өөр залуус энэ удаа статистик үзүүлэлтүүдийг магнайллаа. Рассель Уэстбрук 30 оноо авч тоглолтын лидер болсон бол “Даллас”-аас Шон Мэрион, Дюранттай адил  18 оноо авч багийнхаа хожилд чамгүй тус боллоо.

“Тандер” 3 онооны шидэлт 17-гоос ердөө ганцыг л оруулсан нь энэ жилийн плэй-оффт хамгийн тааруу үзүүлэлт боллоо. Цаг дуусахаас өмнөхөн Уэстбрук ганцыг оруулж багийнхаа нэр төрийг аварчээ.

Рик Карлисле (Далласын дасгалжуулагч) “Эхний хоёр тоглолтонд манай хамгаалалт аймшигтай байсан. Харин өнөөдөр хавьгүй сайжирсан харагдлаа. Одоо үүнийг сайжруулж, тогтвортой барих нь бидний сорилтуудын нэг”

Скотт Брукс (Тандерийн дасгалжуулагч) “Эхний үеэс тэдний шигүү хамгаалалт оноогоор тасрахад их нөлөөллөө. Бас хүчний тоглолт сайн хийж байсан. Гэхдээ манай залуус тэмцэж тооын харьцааг ойртуулсан нь сайшаалтай. Энэ бол хамгийн хэрэгтэй чанар шүү дээ”

Стат : “Сүүлийн хоёр тоглолтонд Дюрант 3 онооны шидэлт 13-г хийсэн ч нэг ч оруулсангүй”

Дюрант “Үгүй дээ энэ бүхэн намайн бухимдуулахгүй байгаа. Бэлтгэл дээр өчнөөн олон шидэж зарим нь орж зарим нь ордоггүй. Зүгээр тохиолдол гэж бодож байна”

Тоглолтын эхний 9 минутанд л тоглолтын ерөнхий зураг харагдсан гэхэд болно. Даллас 17-гоос 9-ыг оруулж 52.9 хувьтай шидэж байсан бол эсрэг талд Тандер 12-оос 2-г л хийж 16.7 хувьтай байлаа.  Тэд эхний үеийг 12 оноотой дуусгасан бөгөөд тэдний энэ улирлын хамгийн тааруу “1-р үе” болжээ.  2-р үеийн дараа Тандер 36 оноотой байсан нь бас л улирлын доод амжилт.

Эхний хагас дуусахад Даллас 41-ээс 20-г нь оноо болгочихсон 52.5 хувьтай шидэж байлаа. Мэрион гол дүр бүтээж байсан бөгөөд 24 минутад 12 оноо авсан байлаа.

Ордонд “Тоглолтын билетийн үнэ тэнгэрт хадаж зарим фенүүд $2,500 төлж байж дотогш орж ирсэн байлаа. “Oklahoma City Arena” цэнхэр өнгөөр хучигдсан бөгөөд 18,000 цэнхэр цамц тараагдсан гэсэн мэдээ байна.

Яг энэ ордонд хоёр хоногийн дараа цувралын 4 дэх тоглолт болно.

***