Энэ сарын 14-22ны өдрүүдэд Филиппинд 20 орны 278 хөвгүүд,охидын дунд 6 насны ангиллаар, 9 тавилд явагдсан Ази тивийн Өсвөрийн шатарчдын 2011 оны аварга шалгаруулах тэмцээнд Монголын  А.Энхтуул (G-18 ангилалд 22 шатарчин оролцсон) 6 оноо (3-р байр), У.Насанжаргал (B-18,20) 5,5 (4), Б.Хүслэн (G-8,20) 5 (6), Г.Сайханзаяа (G-14,20) 5 (8), Б.Ану (G-18) 5 (11), Г.Батбилэг (B-16,24) 5 (11), Н.Бадамханд (G-16,20) 4,5 (9), Э.Баасансүрэн (B-8,18) 4,5 (9), Х.Баясгалан (B-8) 4,5 (10), Б.Баярмаа (G-16) 4,5 (12), С.Жаргалмаа (G-14) 4,5 (12), И.Батжаргал (B-8) 4,5 (12), М.Сарантуяа (G-12,24) 4,5 (13), О.Чингүүн (B-10,32) 4,5 (16), Г.Мөнхбаяр (B-14,30) 4,5 (18), Т.Пүрэвдорж (B-14) 4,5 (19), Ц.Бат-Эрдэнэ (B-12,30) 4,5 (19), Б.Баяржаргал (B-12) 3,5 (25) онооны

амжилт тус тус үзүүлжээ.

“Хос мастер”  бодолтын тэмцээн зохиов.

Шатрын спортын мастерууд,гэр бүлийн хосууд -  М.Баасанжав,Н.Энхнасан нарын “Хос мастер” клубын санаачлага,ивээн тэтгэлгээр “Засагт Хан” дээд сургууль дээр  олон улсын жишигээр зохиогдсон бодлого бодолтын анхдугаар тэмцээнд ИМ Д.Шаравдорж, ОУМ Ц.Лхагвасүрэн, бодолтын улсын аваргууд СМ Б.Буяннэмэх, СМ М.Гүнбаяр, СМ С.Ган-Од нарын 10 гаруй шатарчид,бодлого сонирхогчид оролцон 5 даалгаврын шийдийг 105 минутын хугацаанд олж өрсөлдснөөс  ДМ Б.Галмандах, ОУМ Ц.Батчулуун, СМ М.Гүнбаяр нар шагналт байруудад шалгарав.

Энэ тэмцээн нь ирэх сарын эхээр явагдах Бодолтын УАШТ-ий өмнөхөн зохиогдсон сорил гэсэн агуулгаар их ач холбогдолтой, бодолтын төрөл бүрийн удаах тэмцээнүүдийн эхлэл байлаа.

”Хос мастер” клуб нь вэб сайт нээж шатар болон клубынхаа үйл ажиллагааг сурталчлахын зэрэгцээ Монгол оронд шатар,түүний бодлого зохиомжийг хөгжүүлэх, тухайлбал шатрын бодлого бодолтын тэмцээнийг олон улсын зэрэг зиндаанд хүргэх талаар тодорхой зорилт тавин ажиллаж буй ажээ.

Тэмцээний даалгаварт өгөгдсөн 3 нүүдлийн мадын бодлогыг бодож өөрийгөө сорино уу, шийдийг нь дараачийн мэдээндээ тавих болно.