Английн премьер лигийн 38-р тойргийн тоглолтууд явагдаж Европын эрх, доошоо унах багууд өөр өөрсдийн байраа эзэллээ. Вэст Хэм “найдваргүй” байдалд орсныг эс тооцвол доошоо унах бусад хоёр баг тодорхой болоогүй байсан. Бирмингэм, Блекпуль, Волвес, Уйган гэсэн багууд уначихгүйн тулд хамаг байдгаа шавхлаа.

Блекпуль аваргын болзлоо аль хэдийнэ хангасан Манчесте Юнайтедтэй туллаа. Юнайтедийн хувьд төдийлөн ач холбогдолгүй тоглолт учраас сулхан бүрэлдэхүүн илгээсэн бол Ян Холлоуэй байж болох хамгийн сайн гараагаа мэдээж талбайд илгээв.

Хожил авахгүй бол найдваргүй байдалд орох учраа Блекпуль тоглолтыг довтолж эхлүүллээ. Үүнийхээ ачаар тэд 57  дахь минутаас хойш   Английн аваргуудыг 2 : 1-ээр тэргүүлж эхлэв.  Энэ зун багаа орхиж магадгүй байгаа Чарли Адам гайхалтай чөлөөт цохилтоос гоолдсон бол Тейлор-Флетчер отон тоглолтын байраас нэг гоол хийсэн юм. Тейлор-Флетче энэ улиралд топ 4-т багтсан клубуудын хаалгыг бүгдийг нь мялааж чадлаа.

Гэвч Юнайтед аваргын цомоо хожлоо авахыг хүссэн учраас хариуг нь барихаар довтолж эхэллээ. 62 дахь минутад Нанигийн хөндлөн дамжуулалтыг Андерсон хаалганд нэг хүрэлтээр чихэж тооны харьцааг 2 : 2  болголоо. Тоглолт энэ үр дүнгээр дуусвал Блекпуль дээд лигтээ үлдэх байсан ч тэд өөрсдийгөө “нүхэнд” унагалаа. Тэдний хамгийн туршлагатай хамгаалагчдын нэг Иан Эватт 74 дэх минутад авто-гоол оруулж багийнхаа найдварыг үгүй хийлээ.

Тооны харьцааг тэнцүүлэхээр улайрч урагшаа хэтэрхий их шахсаныг нь ашиглан Майкл Оуэн дахин нэг гоол оруулснаар нөхцөл байдал “найраагүй” болсон. Ийнхүү Блекпуль клуб жилийн өмнө байсан байрандаа эргэн залархаар боллоо.  Тэднээс өөр 5 авто-гоол хийсэн баг энэ улиралд гараагүй. Мөн 55 гоол оруулснаар лигийн түүхэнд хамгийн олон гоолтой “унасан” багаар тодорлоо.

Юнайтедийн домогт хаалгач Эдвин Ван дер Сарын  үдэлтийн тоглолт дээрхи боллоо.

Блекпультэй  хамт “Лигийн цом”-ын эзэн Бирмингэм клуб мөн зиндаа уруудлаа. Шийдвэрлэх сүүлийн тулаанд тэд  Тоттенхэмд 2 : 1-ээр ялагдсан бөгөөд Павлюченко дубль хийжээ. Хэдийгээр доошоо унасан ч гэсэн Бирмингэм Европын лигийн эрхтэй. Тиймээс Алекс Маклиш ажлаа алдахгүй гэж мэргэжилтнүүд тааварлаж байна. Дээрхи тулаанд Бирмингэм тэнцээ авах ганц зорилготой орсон. 70 дахь минут хүртэл эсрэг багийн хаалга руу ганц ч чиглэсэн цохилт хийлгүй сайн хамгаалж байлаа. Гэвч ингэж ардаа “бүгсэн”-ий гороо амсаж сүүлийн 20 минутад Павлюченкод дээрэлхүүлжээ.

Тоттенхэм энэ хожлыг авснаар мөн Европын лигийн эрхээ баталгаатай болгосон.

Харин Ливерпуль 1999 оноос хойш анх удаа Европын ямар нэгэн тэмцээний эрхгүй үлдлээ. Сүүлийн тойргийн тулаанаа “Коп”-ууд Астон Виллатай хийсэн ч Даунингийн нэг гоолоор “Вилла Парк”-т ялагдсан. Жо Коул сүүлийн хоёр сард анх удаагаа гараанд гарч давгүй тоглосон ч багаа хожигдлоос аварч чадсангүй.

Астон Вилла талбайдаа Ливерпулийг 1998 оны 2 сараас хойш анх удаа буулган авч улирлыг дуусгалаа.

Аваргуудын лигт оролцох 4 багийн нэр тодорхой болсон ч 3 болон 4-р байранд хэн шалгарах нь сонирхол татаж байлаа. Манчестер Сити Болтоны талбайд зочлон 2 : 0-ээр ялалт байгуулж шууд Аваргуудын лигт өрсөлдөх боломжтой болж байна. Лескотт 43 дахь минутад санамсаргүй байдлаар бөмбөгөнд оногдож гоол хийсэн. Улмаар Жеко улирлын 2 дахь бөмбөгөө 62 дахь минутад хийж Ситигийн эрх баталгаатай боллоо.

Харин Арсенал урьдчилсан шатыг давж байж топ багуудын тэмцээнд оролцох болов. Нэг хотын Фулхэм багийн талбайд тэд зочилсон ч хожил авч чадсангүй. 2:2-оор тэнцлээ. Буучдаас Ван Перси, Уолкотт, Фулхэмээс Сидуэлл, Замора нар гоолджээ. 75 дахь минутад Фулхэмийн Золтан Гера талбайгаас хөөгдсөн ч хүн дутуу өрсөлдөгчөөсөө Буучид нэг л оноо салгаж чадлаа.  Цэнгэлдэхэд цугласан Арсеналын фенүүд дасгалжуулагчдаа “илүү их хөрөнгө зар” хэмээн дуулж байв.

Ван Перси өнгөрсөн 1 сараас хойш нийт 18 дахь гоолоо хийж дээд амжилт тогтоолоо.

Челси Эвертонд 0 : 1-ээр дийлдсэн. Бекфордын оруулсан гайхалтай гоол Эвертонд улирлын сүүлчийн ялалт авахад тусаллаа. 53 дахь минутад Симус Коулмен талбайгаас хөөгдөж үлдсэн минутыг Эвертон 10 хүнтэй үргэлжлүүлсэн. Карло Анчелотти энэ тулаанд Торрес – Анелкагийн хослолыг гаргасан ч бас л үр дүнд хүрсэнгүй. Чели энэ жил 9 ялагдал амссан бөгөөд үүнээс тааруу амжилт гэвэл 2000/01 онд 11 удаа хожигдож байсан билээ.
*Премьер лигийн энэ улиралд нийт 1063 гоол орсон бөгөөд дунджаар 2.8 гэсэн үг. Премьер лигийн түүхэнд хамгийн олон гоолтой улирал энэ болов. Өмнөх амжилт 1,060 гоол (1999/2000) байсан юм.

*Мэргэн буучдыг тус бүр 21 гоолтой Димитер Бербатов, Карлос Тевес нар тэргүүллээ.

 

 

 

байр	Клуб	ТТ	Х	Т	Хж	+/-	оноо
1	МАНЧЕСТЕР ЮНАЙТЕД	38	23	11	4	78-37	80
2	ЧЕЛСИ	38	21	8	9	69-33	71
3	МАНЧЕСТЕР СИТИ	38	21	8	9	60-33	71
4	АРСЕНАЛ	38	19	11	8	72-43	68
5	ТОТТЕНХЭМ	38	16	14	8	55-46	62
6	ЛИВЕРПУЛЬ	38	17	7	14	59-44	58
7	ЭВЕРТОН	38	13	15	10	51-45	54
8	ФУЛХЭМ	38	11	16	11	49-43	49
9	АСТОН ВИЛЛА	38	12	12	14	48-59	48
10	САНДЕРЛЕНД	38	12	11	15	45-56	47
11	ВЕСТ БРОМВИЧ	38	12	11	15	56-71	47
12	НЬЮКАСЛ	38	11	13	14	56-57	46
13	СТОК СИТИ	38	13	7	18	46-48	46
14	БОЛТОН	38	12	10	16	52-56	46
15	БЛЭКБЕРН	38	11	10	17	46-59	43
16	УИГАН	38	9	15	14	40-61	42
17	ВУЛВЕРХЭМПТОН	38	11	7	20	46-66	40
18	БИРМИНГЕМ	38	8	15	15	37-58	39
19	БЛЭКПУЛ	38	10	9	19	55-78	39
20	ВЕСТ ХЭМ	38	7	12	19	43-70	33

***

Мэргэн буучид

21 Карлос Тевес (Манчестер Сити, 5)
Димитар Бербатов (Манчестер Юнайтед)
18 Робин Ван Перси (Арсенал, 2)
17 Даррен Бент (Астон Вилла, 3)
15 Питер Одемвингие (Вест Бромвич, 2)
13 Дадли Кэмпбелл (Блэкпул)
Эндрю Кэрролл (Ливерпуль)
Дирк Кёйт (Ливерпуль, 5)
Рафаэль Ван дер Ваарт (Тоттенхэм, 4)
Хавьер Эрнандес (Манчестер Юнайтед)
Флоран Малуда (Челси)
12 Кевин Нолан (Ньюкасл, 1)
Чарли Адам (Блэкпул, 7)
Клинт Дэмпси (Фулхэм, 1)
Дидье Дрогба (Челси, 2)
11 Уэйн Руни (Манчестер Юнайтед, 3)
10 Стивен Флетчер (Вулверхэмптон, 1)
Юхан Эльмандер (Болтон)
Асамоа Гьян (Сандерленд)
Макси Родригес (Ливерпуль)
Фернандо Торрес (Челси)
Роман Павлюченко (Тоттенхэм)
Самир Насри (Арсенал, 1)
Саломон Калу (Челси)
Фрэнк Лэмпард (Челси, 4)
9 Шарль Н’Зогбия (Уиган)
Уго Родальега (Уиган)
Кенуайн Джонс (Сток Сити)
Тим Кэхилл (Эвертон)
Тео Уолкотт (Арсенал)
Луиш Нани (Манчестер Юнайтед)
8 Кевин Дэйвис (Болтон, 4)
Даниэль Старридж (Болтон)
Крейг Гарднер (Бирмингем, 1)
Джермейн Бекфорд (Эвертон)
7 Демба Ба (Вест Хэм)
Сильвен Эбенкс-Блейк (Вулверхэмптон)
Луи Саа (Эвертон)
Стюарт Даунинг (Астон Вилла)
Эшли Янг (Астон Вилла, 4)
Гарет Бэйл (Тоттенхэм)
Маруан Шамах (Арсенал)

 

 

 

 

Блекпуль унаж, Ливерпуль Европын эрхгүй үлдлээ, 8.7 out of 10 based on 9 ratings