Калчио  лигийн 38-р тойргийн дараа  хүснэгтийн байрыг тийм ч их өөрчлөгдсөнгүй. “АС Милан” “Удинезе”-тэй 0 : 0-ээр тэнцэж 82 оноотой улирлыг дуусгаж байна. 74 дэх минутад Ди Натале торгуулийн цохилт гүйцэтгэсэн ч Амелиа хааж багаа хожигдлоос аварсан. Милан энэ улиралд пеналтиас гоол алдаагүй цорын ганц баг болж байна. Ди Натале 28 гоолтой лигийн мэргэн буучаар тодорлоо.

18 дахь түрүүгээ хүртсэн АС Миланы хувьд нэг их ач холбогдолгүй 1 оноо  боловч Удинезед Аваргуудын лигийн эрхээ баталгаажуулах амин чухал оноо боллоо. Франческо Гвидолины баг 66 оноотойгоор 4-р байранд орж ирэх жилийн Аваргуудын лигт тоосоо өргөх боломжтой боллоо.

Тэдэнтэй энэ байрыг булаалдаж байсан Лацио Леччиг 4 : 2-оор хожсон ч 5-р байрандаа хэвээр үлдлээ.  Мауро Сарате дубль хийж, Рокки нэгийг, Вивес, өөрийнхөө хаалганд авто-гоол оруулсан.  Лациогийн ахлагч Рокки Леччегийн хаалганд нийт 7 дахь гоолоо хийж байна. Италийн өөр ямар ч багт тэр ийм олон гоол оруулаагүй. Лацио ямар ч байсан  Европын лигийн эрхтэй үлдлээ.

Лациогийн  дерби Рома ч бас ирэх жил Италийн төлөөлөн Европын лигт өрсөлдөх нь. Гэхдээ урьдчилсан шатнаас. “Чононууд” Сампдорияг 3 : 1-ээр буулган авч доод лиг руу унах замыг нь заслаа. Тотти, Вучинич, Боррьело нар багтаа гоолуудыг авчирчээ. Тотти 207 дахь гоолоо оруулж Сери А лигийн бүх цаг үеийн жагсаалтанд 5-р байранд жагсаж байна. Дахиад 8 гоол оруулахад л Тотти хоёр байр ахина.

Интер Милан улирлын сүүлийн тоглолтоо Италийн цомын финалд удахгүй тулалдах Катаньятэй хийж 3 : 1-ээр хожил авлаа. Паццини дубльдсэн бол Нагатомо нэгийг нэмжээ. Леонардог ирснээс хойш Интер талбайдаа 12 дараалан хожил авч 100 хувийн амжилт үзүүллээ. Тэд хүснэгтийн дунд хагасаас 2-р байр хүртэл дэвшиж чадсан.  5 сарын 29-нд эдгээр багууд Ром хотын Олимпико цэнгэлдэхэд Италийн цомын төлөө өрсөлдөх билээ. Катанья лигтээ 7-р байранд орсон ч цомын тэмцээний финалд үлдсэн учраас Европын лигийн эрх авч байгаа.

Ювентус Наполитой шируун тоглолтын эцэст 2 : 2-ээр тэнцлээ. Кьеллини, Матри нар багаа хожигдож  явахад тэнцээний гоолуудыг оруулсан.  Наполи 70 оноо авч  Аваргуудын лигийн эрхтэйгээр улирлыг дуусгаж байгаа. Харин Ювентусыг ирэх улиралд бид Европын ямар ч тэмцээнд харахгүй.

Сампдория, Бари, Брешия гэсэн багууд Сери Б лиг руу унаж байгаа.

 

 

 

байр	Клуб	ТТ	Х	Т	Хж	+/-	Оноо
1	МИЛАН	38	24	10	4	65-24	82
2	ИНТЕР	38	23	7	8	69-42	76
3	НАПОЛИ	38	21	7	10	59-39	70
4	УДИНЕЗЕ	38	20	6	12	65-43	66
5	ЛАЦИО	38	20	6	12	55-39	66
6	РОМА	38	18	9	11	59-52	63
7	ЮВЕНТУС	38	15	13	10	57-47	58
8	ПАЛЕРМО	38	17	5	16	58-63	56
9	ФИОРЕНТИНА	38	12	15	11	49-44	51
10	ДЖЕНОА	38	14	9	15	45-47	51
11	КЬЕВО	38	11	13	14	38-40	46
12	ПАРМА	38	11	13	14	39-47	46
13	КАТАНИЯ	38	12	10	16	40-52	46
14	КАЛЬЯРИ	38	12	9	17	44-51	45
15	ЧЕЗЕНА	38	11	10	17	38-50	43
16	БОЛОНЬЯ	38	11	12	15	35-52	42
17	ЛЕЧЧЕ	38	11	8	19	46-66	41
18	САМПДОРИЯ	38	8	12	18	33-49	36
19	БРЕШИЯ	38	7	11	20	34-52	32
20	БАРИ	38	5	9	24	27-56	24

***

Мэргэн буучид

28	Антонио Ди Натале (Удинезе, 5)
26	Эдинсон Кавани (Наполи, 5)
21	Самуэль Это’о (Интер, 5)
20	Алессандро Матри (Ювентус, 1)
19	Марко Ди Вайо (Болонья, 1)
17	Джампаоло Паццини (Интер, 2)
15	Франческо Тотти (Рома,
14	Робиньо (Милан) Пато (Милан) Златан Ибрагимович (Милан, 3)
13	Антонио Флоро Флорес (Дженоа)
12	Андреа Караччоло (Брешия, 4) Алексис Санчес (Удинезе) Альберто Джилардино (Фиорентина)
11	Серджио Пеллисье (Кьево, 1) Эрнанеш (Лацио, 1) Марек Гамшик (Наполи, 2) Хавьер Пасторе (Палермо) Марко Боррьелло (Рома, 1)
10	Мирко Вучинич (Рома, 1)
9	Луис Хименес (Чезена, 2) Мауро Сарате (Лацио, 2) Родриго Паласио (Дженоа, 1) Эрнан Креспо (Парма, 3) Фабио Квальярелла (Ювентус) Фабрицио Микколи (Палермо)

Удинезе Аваргуудын лигт орж, Юве юу ч үгүй үлдлээ, 10.0 out of 10 based on 5 ratings