Исландын өмнөд хэсэгт байрладаг “Grimsvotn” галт уул сэргэж эхэлсэн тул галт уулын үнснээс болж энэ долоо хоногт хийгдэх Европын онгоцны нислэгүүд цуцлагдаж магадгүй байна. Хэрвээ нөхцөл байдал сайжрахгүй бол бямба гаригт Аваргуудын лигийн шигшээ тоглолтонд оролцох “Барса”-гийнхан аялалын маршрутаа өөрчлөх хэрэгтэй болох нь.

Өнгөрсөн жилийн өдийд бас Исландын  “Eyjafjallajokull” хэмээх галт уул сэргэснээс болж 10 сая орчим зорчигчид нислэгээ хойшлуулж байсан. Тэр үед Аваргуудын лигийн хагас шигшээ шат явж байсан бөгөөд “Барса”-гийнхан хоёр өдөр автобусаар аялаж байж Милан хотод ирж байлаа. Улмаар Интерт 3-1-ээр ялагдсаныг та бүхэн санаж байгаа байх. Харин энэ удаа аялалын асуудал үүсэхгүй байх гэж Пеп Гвардьола найдаж байна.

“Галт удахгүй унтарч манай фенүүд Лондонд хурдан очоосой гэж найдаж байна. Бидний хувьд мэргэжилтнүүд юу гэж хэлнэ тэрийг л хийнэ. Өнөөдөр юм уу маргааш аялалдаа гар гэвэл тэрүүгээр л болог. Эсвэл төлөвлөсөн ёсоороо ‘пүрэв гаригт нисэх байх. Манай фенүүд Лондонд очиж чадах эсэхэд л санаа зовж байна. Цэнгэлдэхийн тал хэсэг хоосон байвал муухай шүү дээ.

Мэдээж хэрэг УЕФА финалыг хойшлуулна гэж байхгүй. Тийм болохоор юу болохыг найдаад харж л байхаас.

Манай багийн бэлтгэл дажгүй байгаа. Саяхан бид хоёр жилийн өмнөх финалыг үзлээ. Эхний хагаст тэд их байсан ч дараагийн үед тоглолт бидний хяналтанд орсон. Ман Юнайтед энэ жил ч гайхалтай байгаа. Тэд бол хөлбөмбөийн түүхэнд бүрдсэн хамгийн гайхалтай багуудын нэг. Өнгөрсөн 5 жил, 10 жил биш шүү”