Реал Мадридын захирал Хорхе Валдано ажлаасаа халагдаж, арилжаа наймаа хийх бүх эрх Моуриньогийн гарт төвлөрлөө.

Моуриньо болон Валдано

Клуын ерөнхийлөгч Флорентино Перес үүнийг албан ёсоор зарласан юм. Тэрээр “Валданог явуулахад мэдээж маш хэцүү байна. Гэхдээ энэ шийдвэрийг гаргуулах гэж  Моуриньо шаардсан юм бол байхгүй. Тэр зөвхөн Английн багууд шиг илүү бие даасан байдлыг л хүссэн юм. Хувийн ямар нэгэн шалтгаан үүнд нөлөөлөгүй гэдгийг хэлмээр байна.

Өнгөрч байгаа улирал бидэнд  шинэчлэл хийх цаг болсон гэдгийг санууллаа. Тиймээс энэ бол дөнгөж эхлэл. Удахгүй олон үйл явдал энэ багт болно” хэмээв.

Энэ оны эхээр Гонзало Игуайныг бэртэл авсны дараа шинэ довтлогч авах хэрэгтэй гэж Моуриньо Валданог ятгаж байсан. Гэвч тэд бие биенээ ойлголцож чадаагүйгээр барахгүй Бенземаг сэлгээнд дэмий суулгаж байна гэж Валдано дасгалжуулагчаа шүүмжилж байлаа. “Онцгой нэгэн” ч бас дуугүй суугаагүй.

Валдано “Бенземад арай л шударга бус хандаж байна. Энэ бүхэн удаан үргэлжлэхгүй гэж найдаж байгаа. Бид яг л үзэгчид шиг түүний (Моу) юу хийхийг хараад л сууж байна”

Моуриньо “Би багийг удирдаж байгаа. Ямар нэгэн асуудал гарвал туслахууд надад бас байгаа. Энэ талаар дахиж яримааргүй байна. Хэвлэлээр байлдахад би хэтэрхий хөгшдөх байх. Өөрийнхөө төлөвлөсөн зүйлээ л би хийнэ ”

Эцэст нь өвлийн цонхоор Адебайор Манчестер Ситигээс ирж хэл ам намдсан. Валдано дараа нь “Моуриньотой маргалдахгүй байвал амар байхсан. Тэр өөрөө л юу хийхээ мэдэг. Бид дотроо маргалдаад угаасаа хэрэг байхгүй. Өрсөлдөгч багууддаа л анхаарах хэрэгтэй’ хэмээсэн.

Хэвлэлүүдийн мэдээлж байгаагаар Валданогийн нөхөн төлбөрт 3.5 сая евро Реал төлж байгаа гэнэ.

Валдано “Энэ багийг би үргэлж хүндэлсээр ирсэн. Хэрүүл маргааны талба болгохыг хүсэж байсан удаагүй. Моуриньо өнгөрсөн хугацаанд сайн ажилласан. Цаашдаа ч тэгнэ гэж итгэж байна”