Нойер өөрийг нь алгадсан эдгээдийг танина гэжээ. Шальке цомын финалд  2-р лигийн Дюсбургийг  5:0 ээр хожиж аваргалсан билээ. Энэ тоглолтын маргааш Гельзенкирхэн хотод 10 000 гаруй хөгжөөн дэмжигчид аваргуудаа ёслол төгөлдөр хүлээн авсан юм. Хотын  төв вокзалаас багийн тоглогчид задгай машинаар хөгжөөн дэмжигчдийн дундуур явж гарын үсэг тарааж, мэндчилж байлаа.  Энэ үеэр нэгэн сахилаггүй  этгээд Шалькегийн хаалгач Нойерыг алгаджээ. Үүнийхээ дараа тэрээр зугтаж одсон байна. Харин Нойер “ Би тэр этгээдийг танина. Тэр бол миний танилын найз” гээд  “ Тэр өнгөрсөн долоо хоногт манай бэлтгэл дээр ирсэн. Намайг элдвээр харааж, доромжилж байсан. Новшийн Байерн гэх мэт янз бүрийн зүйл хэлсэн гэхдээ би түүнийг цаашаа бодитоор хүлээж аваагүй” гэжээ. Тэрээр цагдаад ямар нэгэн гомдол гаргахгүй гэв. “Миний хувьд асуудал аль хэдийн шийдэгдсэн”  гэсэн байна.