Германы залуу теннисчин Сабина Лисицки “Ролан Гаррос”-ын ээлжит сенсаац дэгдээхэд ганц л оноо авахад хангалттай байлаа. 2-р шатанд чансааны 3-р байранд эрэмбэлэгдсэн Вера Звонарёваг тэрээр бараг л хожчихсон байсан.

Эхний сетийг тэрээр 6 : 4-өөр өөрийн болгож хоёр дахийг 7 : 5-аар алдсан. Харин 3 дахь сетэд Сабина илүүрхэж 5-2-оор хожиж байлаа. Гэвч харамсалтай нь бэртэл авч амжилттай тоглолтоо үргэлжлүүлж чадсангүй. Улмаар 7-5-аар ялагдаж тэмцээнийг дамнуурган дээр хэвтэн орхилоо.

Францын нээлттэй тэмцээнийг “том”-чуудаас Ким Клистерс одоогоор орхиод байгаа. Түүнийг Недерландын Аранча Рус 3–6, 7–5, 6–1 гэсэн харьцаагаар буулган авчээ. Харин эрэгтэйчүүдээс Николас Алмагро, Томаш Бердых хасагдаад байгаа. Новак Жокович энэ жилийн 41 дэх ялалтаа байгуулж тэмцээний 3-р шатанд үлдээд байгаа.