Хоромхон клүбийн хагас хамгаалагч Цэнд-Аюуш

МХБХ-ны Үндэсний “Нийслэл лиг” тэмцээн үргэлжилж байна. Лигийн 25 дахь тоглолтод хүснэгтийг тэргүүлж байсан багууд болох “Хоромхон”, “Хүлгүүд” тулж, хэн нь нэгдүгээр тойрогт аваргалахаа шийдлээ.

“Хүлгүүд”-ийн хамгаалагч Т.Батмөнх өөрийн торгуулийн талбайд гарч хүрч, 11 метрийн торгуулийн цохилтыг Х.Амгалан амжилттай гүйцэтгэснээр “Хоромхон” тэргүүлэх болов.

Энэ нь түүний энэ жилийн лигийн найм дахь гоол юм.  Харин үүнээс удалгүй “Хоромхон”-ы хамгаалагч Г.Амарсанаа мөн л торгуулийн талбайдаа гар хүрч, эсрэг багтаа пенальти бэлэглэсэн.

Гоол болох 99 хувийн магадлалтай гэгддэг 11 метрийн цохилтыг Т.Батмөнх амжилттай гүйцэтгэснээр тоо тэнцсэн. Ингэснээр тэрээр алдаагаа зассан юм.

Олон олон гоол орох боломжуудыг хоёр тал үгүй хийсээр лидерүүдийн тэмцэл тэнцээгээр өндөрлөлөө.

Ингэснээр лидерүүдийн байр өөрчлөгдсөнгүй. Хорохон клуб нэгдүгээр тойргийн тоглолтод нийт боломжит 21 онооноос 15 оноо авснаар тэргүүллээ. Хүлэгүүд баг 13 оноотойгоор 2 дугаар байранд бичигдэж байна.

Өнөөдөр болох тоглолтод Улаанбаатар Дээд Сургуулийн баг Хангарьд багийг хүлээн авна. Энэхүү тоглолтоор аль хожсон нь 3 дугаар байранд орох боломж үүсэх тул хариуцлагатай тоглолт гэдгийг хоёр баг хоёулаа сайтар мэдэрч байгаа.

Нигери тоглогч дахин дабль хийж чадвал 2011 оны Лигийн тэмцээний 3 тоглолт дараалан дабль хийсэн нэгэн өвөрмөц амжилтын эзэн болох юм. Эсрэгээр Улаанбаатар Дээд Сургуулийн хожил авалгүй 4 тоглолт өнгөрүүлсэн хар цувралаа зогсоож чадах уу гэдгийг та бүхэн 18.00 цагаас хүрэлцэн ирж үзээрэй.