Ювентусын шинэ дасгалжуулагчаар Антонио Конте томилогдлоо. Тэрээр Луйжи дель Неригийн халааг авч байгаа бөгөөд ирэх хоёр жил “Хуучи ноёд”-ыг удирдах юм байна. Юве энэ улиралд тун тааруу амжилт үзүүлж лигтээ 7-р байранд орсноор Европын эрх авч чадаагүй.

Иймээс дель Нериг хугацаанаас нь өмнө халж экс багийн ахлагчаа авчирлаа. Конте 1992–2004 оны хооронд Ювентуст тоглож бүр багийн ахлагч хүртэл хийж байсан. Улмаар 2005 онд дасгалжуулагчын карьераа эхлүүлж 2009 онд Бариг доод лигийн аварга болгосон. Өнгөрсөн улиралд тэрээр мөн Сери Б лигийн Сиенаг дасгалжуулж дээд лигт эргүүлэн авчрах үүрэг хүлээсэн. Үүнийгээ ч тэр амжилттай хэрэгжүүлж чадсан юм.

Одоогоор Ювентусын эгнээн Андрэй Пирло, Рето Циглер нар зузаатгаад байгаа. Зуны арилжаа наймааны цонхоор Юве томоохон өөрчлөлт хийхээр төлөвлөж байна.