Өнөөдөр БТСГ, МҮОХ-ны удирдлага Эверестийн оргилд гарсан ОУХМ Б.Гангаамааг хүлээн авч уулзан хүндэтгэл илэрхийллээ. Монгол эмэгтэй анх удаа дэлхийн зулайд гарсан баярт явдлыг тохиолдуулан БТСГ-ын дарга Ч.Наранбаатар түүнийг “Спортын алдар”, МҮОХ-ны ерөнхийлөгч Д.Загдсүрэн олимпийн “Алтан од” шагналаар тус тус шагналаа. Энэ үеэр Гангаамаа Бээжингийн олимпийн аварга төрөх үеэр мандуулсан далбааг спортын удирдлагуудад гардуулав.