Хятадын теннисчин На Ли “Францын нээлттэй тэмцээн”-д фенүүдийнхээ итгэлийг хөсөрдүүлэлгүй амжилттай тоглож анхны “Их Дуулга”-н түрүүгээ авлаа. Цомыг хамгаалж байсан Италийн Франческо Скьявонег тэрээр хоёр сетэд 6-4 7-6-ээр буулган авсан. Өнгөрсөн нэг сард карьерийн анхны “Их Дуулга”-аа хүртэх гэсэн На Лигийн оролдлогыг Ким Клистес зогсоож байсан.

Харин энэ удаа Хятад, Ази тивийн найдварыг тээсэн На Лиг зогсоох теннисчин байсангүй.  Гэхдээ өмнөхөөс ялгаатай нь өөрийн хамгийн тааруу тоглодог шороон талбайдаа гайхамшгийг бүтээж чадсаныг нь үнэлэх хэрэгтэй. Скьявоне На Лигээс биеийн хүчний тоглолтоор илт давуу байсан ч “шөрмөс”-тэй Хятад бүсгүй 39 минутын дотор л эхний сетийг өөрийн болгосон.

Улмаар тэр эрчээрээ боломж олголгүй довтолсоор дараагийн сетийг авч Их Дуулгын финалд түрүүлсэн анхны Ази теннисчин боллоо. Тэнцээний дараа На Лигийн чансаа карьерийн оргил буюу 4-т хүрэх нь тодорхой болсон.