Мирослав Клозе   “Лацио” клубтэй хоёр жилийн гэрээ байгууллаа. 33 настай ахмад довтлогч өнгөрсөн долоо хоногт Байерн Мюнхенээс явж байгаагаа албан ёсоор зарласан. Түүний араас Валенсия, Трабзонспор зэрэг багууд хөөцөлдөж байсан ч Италийн нийслэлийн багийг илүүд үзжээ.

“Оло багууд надтай холбоо тогтоохоор оролдож байсан. Гэхдээ Лациогийн үйл ажиллагаа илүү цэгцтэй, шургуу байсан учраас би сонгосон. Тэдний бүрэлдэхүүн Мауро Сарате, Хернанес, Кристиан Ледесма гээд олон сайн тоглогчтой. Бас багийн өнгө ч их таалагддаг”

Лацио өнгөрсөн улиралд лигтээ 5-р байр эзэлж Европын лигийн эрх авсан. Тэд 4- байранд орсон Удинезетэй оноо адил байсан ч гоолын зөрүүгээр нэг байр ухарсан билээ.