Шинжи Кагава “Дортмунд”-тай шинэ гэрээ байгуулахаар ярилцаж эхэлжээ. Манчестер Юнайтед болон Реал Мадрид багууд Японы залуу авьяастныг авахаар агентаа Герман луу илгээгээд байсан. Хэрвээ шинэ гэрээ байгуулчихвал тэдний санаархал талаар болно. Кагава өнгөрсөн зун J лигийн Черезо Осака багаас Боруссияд ирж 2013 он хүртэл гэрээ байгуулсан.

Кагавагийн агент Bild сонинд “Тэр Германд сэтгэл хангалуун байгаа. Шинэ гэрээ бэлэн болчихвол гарын үсэг зурахад асуудалгүй гэж өөрөө хэлсэн. Ирэх жилийн Аваргуудын лиг болон Бундеслигийн улирлыг Кагава сэтгэл догдлон хүлээж байгаа” гэжээ.

22 настай Япон тоглогч өнгөрсөн улирлын  хагасыг бэртлээс болж өнжсөн ч 17 тоглолтонд 8 гоол оруулж амжсан билээ.