“Аварга Хадбаатар” сангаас зохион байгуулдаг “Аваргын гараа” өсвөр үеийн үндэсний бөхийн барилдааны шигшээ тэмцээн ирэх сарын 1-4- нд Буянт-Ухаа дахь шинэ спорт цогцолборт болох гэж байна. Гурав дахь жилдээ болж буй тэмцээнд 21 аймаг, нийслэлийн есөн дүүргээс шалгарсан (урьдчилсан шат IV.4-V.27- нд болсон) 450 хүүхэд 12-13, 14-15, 16-17 гэсэн гурван насны ангиллаар өрсөлдөх юм.

Биеийн тамир, спортын салбар үүсч хөгжсөний 90 жилийн ойн хүрээнд явагдаж байгаа эл тэмцээнийг УИХ-ын гишүүн Ж.Энхбаяр тэргүүнтэй “Алтайн эрин” сан, С.Болорсайхан захиралтай “Витафит Инвест” ХХК-иуд ивээн тэтгэх бөгөөд амжилт гаргасан тамирчдыг медаль, зодог шуудаг, их дээд сургуульд элсэн суралцах урилга, багш дасгалжуулагчдыг компьютераар шагнаж урамшуулах гэнэ.