Экс-Женоагийн дасгалжуулагч Жьян Пьеро Гасперини Интерт ирж магадгүй байна. Леонардо Францын “PSG” баг руу явснаар Италийн дархан аваргуудын дасгалжуулагчын суудал эзгүйрсэн. Моратти боломжтой хэд хэдэн хүнтэй уулзсан бөгөөд хамгийн өндөр магадлалтай нь Гасперини болоод байгаа ажээ.

Ювентусын залуучуудын багийг бараг 10 орчим жил дасгалжуулсан тэрээр өнгөрсөн оны 11 сард Женоагаас халагдсан юм. Италийн хэвлэлүүдийн мэдээлж байгаагаар өнөөдөртөө багтаж шинэ дасгалжуулагчаа Интер танилцуулах ажээ. Өдгөө 53 настай Гасперини тоглогчын карьераа Юве, Палермо зэрэг багуудад өнгөрүүлсэн.