“Миннесота Тимбервулвз”-ийн ерөнхий менежер Давид Кан багийн ерөнхий дасгалжуулагч Курт Рэмбисийг ажлаас нь чөлөөлөхөөр шийджээ. Yahoo! Sports-ийн мэдээлж байгаагаар драфтын маргааш энэ шийдвэрийг албан ёсоор зарлах юм байна. Түүний орыг залгах боломжтой дасгалжуулагчдын  нэр хүртэл  альхэдийн тодорхой болжээ. Тухайлбал Вашингтоны их сургуулийн багийн Лоренцо Ромар, “Портлэнд”-ийн туслах дасгалжуулагч Берни Бикерстафф  гэсэн нэр яригдаж байна. Бернигийн хувьд өмнө нь NBA-гийн Денвер, Шарлотт, Вашингто, Ситль гэсэн багуудыг дасгалжуулж 414-512 гэсэн амжилт үзүүлж байсан.

Курт Рэмбисийн “  Миннесота”-той байгуулсан гэрээний хугацаа дуусахад 2 жилийн хугацаа үлдээд байгаа. Энэ ажлыг авснаасаа хойш тэрээр  32-132 гэсэн амжилт үзүүлээд байгаа бөгөөд өнгөрсөн улиралд лигийн хамгийн тааруу 17-65 амжилт гаргасан билээ. ” Миннесота ” хамгийн сүүлд Рики Рубиог албан ёсоор эгнээндээ нэгтгэсэн билээ. Тэд драфтэд эхний сонголтуудыг хийнэ.