Эх сурвалжуудын мэдээлж байгаагаар “Нью Орлеон Хорнетс”-ийн хүчний довтлогч Давид Уэст чөлөөт агент болох гэнэ. Түүний гэрээний хугацаа  6 сарын 30-нд дуусч байгаа. Сүүлийн үед бэртэл гэмтэлд их ороогдож байгаа Уэстийн авдаг 7.5 сая ам.долларын цалинг “Хорнетс” төлөхөөс татгалзаж байгаа аж. Крис Пол энэ багт үлдэх эсэх нь тодорхойгүй байгаа учраас Уэст өөрөө ч явахыг хүсч байгаа сураг байна.

Уэст өнгөрсөн 3 сарын сүүлээр “Юта Жазз”-ын эсрэг хийсэн тоглолтын үеэр хүнд бэртэл авч түүнээс хойш багтаа тус болоогүй. Ирэх 8 сард 31 нас хүрэх Уэст карьерийнхаа бүх хугацааг “Хорнетс”-т өнгөрүүлж байгаа. Тэрээр 2003 оны драфтын 18-р сонголтоор энэ багт ирсэн билээ. Хэрвээ түүнийг чөлөөт агент болвол “Орландо Мэжик” “Денвер Наггетс”   багууд авах магадлал өндөр байна.