Черногорийн залуу авьяастан Стефан Савичийг  Манчестер Сити худалдаж авлаа. Өдгөө 20 настай Савич нь Сербийн Партизан Белград клубт хүчин зүтгэж байсан юм. Түүнийг Арсенал мөн идэвхитэй сонирхож байсан бөгөөд саяхан Ситид ирсэн Гаель Клишитэй хамт арын шугамыг хариуцахаар боллоо. Энэ наймаа хэр зэрэг үнээр хийгдсэн нь тодорхойгүй байна.

Савич Черногорийн шигшээ багт 2010 оноос дуудагдаж зургаан тоглолтонд оролцоод байгаа. Энэ оны эхээр “Уэмбли”-д Английн шигшээтэй хийсэн нөхөрсөг тоглолтод тэрээр оролцож байсан юм.

Тэрээр мэргэжлийн карьераа 2009 онд Сербийн Борча багаас эхлүүлсэн бөгөөд өнгөрсөн зун Партизантай 4 жилийн гэрээ байгуулсан юм.