Италийн шигшээ багийн ахлагч асан Фабио Каннаваро зодог тайлж байгаагаа албан ёсоор зарлалаа. Өдгөө 37 настай Дэлхийн аварга тоглогч өвдөгний бэртлээс болж дахин мэргэжлийн түвшинд тоглож чадахгүй болсон ажээ.

“Үнэхээр харамсалтай байна. Хөлбөмбөг миний амьдралын нэг хэсэг болохоор ийм шийдвэр гаргахад хэцүү байлаа. Гэхдээ хэзээ нэгэн цагт энэ мөчтэй тулах хэрэгтэй болдог юм байна. 2006 оны Дэлхийн шилдэг хөлбөмбөгч Каннаваро Арабын Аль Ахли  клубт өнгөрсөн улирлыг өнгөрүүлсэн. Тэрээр хэн нэгний шаардлагаар зодог тайлаагүй хэмээсэн бөгөөд Аль Ахли клубт техникийн зөвлөхөөр ажиллах ажээ.

Каннаваро 1992 онд мэргэжлийн тоглогчын карьераа Наполи багаас эхэлж байсан. Улмаар Ювентус, Интер, Реал Мадрид гээд дэлхийн шилдэг багуудад тоглож байлаа. 2006 оны Дэлхийн аваргын цом  түүний карьерийн хамгийн оргил мөч байлаа.