Төрсөн өдөр

1905 – Кларенс Кэмбелл (Канад), хоккей. Спортын зүтгэлтэн, NHL-ийн ерөнхийлөгчөөр 1946-1977 онд ажилласан. 1972 онд болсон алдарт ЗХУ – Канадын цуврал тулаан түүний нэрэмжит болжээ.

1964 – Жианлука Виалли (Итали), “Сампдори”, “Ювентус”, “Челси” ,Италийн шигшээ багуудад довтлогч хийж байсан. 1990 оны ДАШТ-ий хүрэл медальт, 1996 оны Аваргуудын лигийн аварга, 1993 оны УЕФА-ын цомын эзэн.

1965 – Наталья Воронова(ЗХУ), хөнгөн атлетик. 1993 оны дэлхийн аварга, 1992 оны дэлхийн цомын эзэн, европын хошой аварга.

1966 – Полин Элен Дэвис-Томпсон (Багам), хөнгөн атлетик. 2000 оны олимпийн 4х100 метрийн олимпийн аварга.

1966 – Доржсүрэнгийн Мөнхбаяр (Монгол, ХБНГУ), буудлага. 1992 оны Барселоны олимпийн хүрэл, 2008 оны Бээжингийн олимпийн хүрэл медальт. Олон Улсын Буудлагын Спортын Холбооны ДАШТ-ий 1998 оны 10 метрийн хийн гар буу, 2002 оны ДАШТ-ий 25 метрийн гар бууны төрлийн аварга.

1976 – Йохем Ютдехаге (Холланд), тэшүүр. 2002 оны олимпийн хошой аварга.

1977 – Евгений Подгорный(ОХУ), Спортын гимнастик. 1996 оны олимпийн аварга цолыг багийн төрөлд хүртсэн.

1979 – Кожи Наката (Япон), Швейцарийн Базель болон Японы шигшээ багийн хамгаалагч.