Саяхан болсон туялзуур сэлэмний Азийн аварга шалгаруулах тэмцээнд эх орноо төлөөлөн гурван тамирчин тулалдсан билээ. БНСУ-ын нийслэл Сөүл хотын Олимпийн цэнгэлдэхэд болсон энэхүү тэмцээний үеэр Японы мэргэжлийн сумогийн 69 дэх Их аварга Хакухо М.Даваажаргал баг тамирчдад амжилт хүсэн дугтуйтай гарын бэлгээ өөрийн элчээр дамжуулан өгчээ. Их аваргын хишиг ч өгөөжөө хайрлаж манай тамирчид хувцас хэрэглэлдээ энэхүү хишгийг зарцуулсны ачаар анхны ялалтаа авсан юм.

Их аварга туялзуур сэлэмний спортод ихэд элэгтэй нэгэн бөгөөд Монголын баг тамирчид анх удаа ДАШТ-д Туркийн Анталья хотноо оролцоход туслалцаа үзүүлж байсан юм.