„Audi Cup“ тэмцээнд Байерн Мюнхен   АС Миланыг торгуулийн цохилтоор хожиж,  шигшээ тоглолтонд ФС Барселонатай шалгарч үлдэв.  Гэвч энэ тоглолтонд жигүүрийн довтлогч Роббен гэмтэл авсан нь тэдэнд томоохон гарз болж болзошгүй .  Өнгөрсөн жил Роббен дэлхийн аваргын тоглолтонд бэртэл авч урт хугацаанд завсарласан нь Байерны амжилтанд шууд нөлөөлж байлаа. Роббенийг гэмтэхээс хэд хоногын өмнө  мөн л чухал тоглогчийн нэг Рибери бэлтгэлийн үеэр гэмтэл авсан ба одоогоор хөлөндөө гипстэй байгаа юм.

Багийн дасгалжуулагч Юп Хайнкес “ Гэмтэл хүнд биш байх гэж найдаж байна” гэжээ Тоглолтын хувьд үндсэн цагт хоёр баг  2:2 тэнцсэн бөгөөд  5:3 –аар торгуулийн цохилтоос хожсон юм.  „Audi Cup“ нь Байерны “Аллианс Арена”д явагдаж байгаа бөгөөд хаалгач Мануэль Нойер анх удаа Байерны өмсгөлтэйгөөр энэ талбайд гарсан юм. Хөгжөөн дэмжигчид түүнийг халуун дотноор хүлээж авсан ба дамжуулсан бөмбөг түүнд ирхэд хүртэл алга ташиж байжээ.

Өнөөдөр буюу Лхагва гарагийн орой (орон нутгийн цагаар 20:45)  Байерн Мюнхен   Барселона багууд аваргын төлөө тоглоно.

 

 

 

 

 

 

 

 

Баг нь хожсон ч Роббен сэтгэл дундуур хоцров

 

 

 

 

 

 
Рибери Ням гарагын бэлтгэлийн үеэр зүүн хөлөндөө гэмтэл авчээ.

„Audi Cup“ :Байерн Мюнхен финалд үлдэж, Роббен гэмтэв, 9.5 out of 10 based on 2 ratings