Хуучин Германы шигшээ багийн дасгалжуулагч Юрген Клинсман өнгөрсөн Пүрэв гарагт АНУ –ийн шигшээ багийн дасгалжуулагчын   үүрэгт ажлаас чөлөөлөгдсөн  Боб Брэдлигийн залгамжлагч боллоо.

Клинсман 2006 оны дэлхийн аварга шалгаруулах тэмцээнд Германы шигшээтэй гуравдугаар байр эзэлсэн юм. Түүний шигшээ багтаа анх  туршиж байсан арга барил нь Германы төдийгүй орчин  үеийн хөлбөмбөгт нэвтэрсэн ирсэн  цоо шинэ  зүйл байлаа. Клинсман дэлхийн аваргын дараа  ажлаа өөрийн туслах Иоахим Лөвьт хүлээлгэн өгсөн бөгөөд Лөвь одоог хүртэл шигшээ багаа удирдаж байгаа билээ.

“ Намайг АНУ –ийн шигшээ багийн дасгалжуулагчаар нэрлэсэнд  туйлын бахархалтай  , хүндэтгэлтэй санагдаж байна”  “ 2014 оны дэлхийн аваргад багаа бэлтгэхэд таатай байна. Энэ бол үнэхээр сайхан үүрэг даалгавар бөгөөд би шууд ажилаа эхлэхэд бэлэн” гэжээ.