Португалын Спортинг клуб Барсагаас Жеффрен Суаресийг 3.7 сая еврогоор худалдан авахаар тохиролцлоо. 23 настай Испани хагас хамгаалагч шинэ багтайгаа 5 жилийн урт хугацааны гэрээ байгуулсан бөгөөд зарагдах доод үнээ 30 саяар тусгагджээ.
Гэхдээ Жеффрен Спортингоос явах юм бол түүний зарагдсан үнийг 20 хувийг Барса авах юм байна. Каталоны багийн академиар хүмүүжсэн Жеффрен 2008 оноос үндсэн багт дэвшсэн. Улмаар саяхныг хүртэл нийт 35 удаа талбайд гарч нийт 3 гоол оруулаад байсан юм.
Спортингийн албан ёсны сайтад өгсөн ярилцлагадаа Жеффрен “Энэ багийн нэг хэсэг болж байгаадаа баяртай байна. Спортинг гайхалтай клуб. Шинэ багтаа хурдан дасаж, тэдний амжилтанд чадах чинээгээрээ туслах нь миний зорилго.” Гэжээ.
Спортинг энэ зуны наймааны цонхоор тун идэвхитэй ажиллаж байгаа. Тэд Жеффрентэй нийлээд 15 шинэ тоглогчыг эгнээндэ нэгтгээд байна. Жеффренээс гадна Испани хагас хамгаалагч Диего Капелийг өнгөрсөн сард 3.5 сая еврогоор тэд худалдаж авсан юм.