Аваргуудын лигийн урьдчилсан шатны сүүлийн оноолт зарлагдлаа. Багийн ахлагч Сеск Фабрегасаа алдахад ойрхон байгаа  Арсенал клуб хатуу сугалаа татаж Италийн Удинезетэй таарлаа. Өнгөрсөн улиралд лигтээ 4-р байр эзэлсэн учраас “Буучид” Аваргуудын лигийн урьдчилсан шатнаас эхлүүлэх болсон. Тэдний өрсөлдөгч Удинезе ч мөн адил Сери А-д улаан шугамын өмнө жагссан.

Гэхдээ тэд энэ зун Алексис Санчез, Гохан Инлер, Кристиан Запата гээд сайн тоглогчдоо явуулсан учраас амжилт олж чадахгүй гэж мэргэжилтнүүд таамаглаж байна. Хоёр багийн эхний тоглолт 8 сарын 16-нд явагдана. Харин хариу тоглолт  8 сарын 23-нд явагдах юм. Энэ үеэр Арсенал премьер лигийн хүнд тоглолтууд хийх учраас тэдэнд амаргүй байх нь ойлгомжтой. Дээр нь нэмээд эхний тоглолтонд Арсене Венгер болон Самир Насри, Ван Перси гэсэн тоглогчид оролцохгүй. Учир нь өнгөрсөн улирлын Аваргуудын лигийн их шөвөгт Барсад 3 : 1-ээр ялагдсан тоглолтонд зүй бус авир гаргасан учраас тэд торгууль хүлээсэн билээ.

Олимпик Лион энэ шатанд Оросын Руби Казань клубтэй таарсан бол Байерн Мюнхен Швэйцарийн Цюрихтэй оноолт таарлаа. Мөн Бенфика – Твенте, Вильяреал – Оденсе гэсэн сонирхолтой учраанууд байна.