Балотелли гэж этгээд нөхөр хөлбөмбөгийн ертөнцөд шуугиан тарьсаар ирсэн. Бид түүний дэгдээсэн хамгийн дуулиантай 10 явдлыг толилуулж байна.

1.“Интер”-ийн тоглолтын цамцыг шидэв

Моуриньо ажиллаж байх үеийн “Интер” багийн гол тоглолтуудын нэгийг баллаж орхисон хүн бол Марио юм.

Аваргуудын лигийн хагас шигшээ шатанд дийлдэшгүй “Барселона”-г “Интер” талбай дээрээ 2:0-ээр хожсоны дараагаар тэрбээр тоглолтын цамцыг газар шидсэн. Үүнийхээ шанд хамтран зүтгэгч ах Матераццигийн нударганы амтыг мэдэрсэн байна. “Интер”-ийн хөгжөөн дэмжигчид зөрүү Мариогийн этгээд араншинд залхахдаа тоглолтын турш үгээр өдсөнд хөлбөмбөгч цамц шидэн хариуг нь барьжээ.

2. Это’Од пенальт цохих боломж олгосонгүй

2009 оны аравдугаар сард “Палермо”-той тоглох үеэр Балотелли өөрийн хүчин зүтгэлээр пенальт цохих эрхийг багтаа олгожээ. Ингээд багийнхаа дархан пенальтчин Это’О торгуулийн цохилтыг гүйцэтгэхээр болов. Гэтэл өнөөх Марио “Би цохино” хэмээн зөрүүдэлж камерун эрийн өмнө хөндөлсөж нэлээн зогслоо. Хэрүүл хийгээд салахгүй байхаар нь багийн ахлагч Занетти очиж байж түүнийг 16 метрийн талбайгаас холдуулсан байна.

3. “Милан”-ы цамцыг өмсөв “Интер”-ийнхний уурыг барсан оргил дуулиан

2010 оны хавар боллоо. Балотелли телевизийн нэгэн нэвтрүүлэгт оролцохдоо балчир ахуйгаасаа “Милан”-ы хөгжөөн дэмжигч байснаа хэлжээ. Үүний мэдсэн итали сэтгүүлчид түүнийг урьж авчран “Милан”-ы тоглолтын цамцыг бэлэглэсэн байна. Тэр ч бүү хэл өмсөж үзэхийг ятгаж чадсан бөгөөд Марио “Интер”-ийн заналт дайсан багийн футболкийг өмссөн дүрсийг нууцаар авсан байна. Үүнээс болж бөөн асуудал үүссэн ч хөлбөмбөгч маань үүнд ач холбогдол огт өгсөнгүй.

4. Тоттиг өдөв

Уржнан жил “Интер” баг “Рома”-тай Италийн цом булаалдсан. Энэ үеэр Тотти Балотеллигийн хөлийг санаатай гаар маш хүчтэй өшиглөн талбайгаас хөөгд сөн. Тэгэхдээ түүнийг доромжилсон хараалын үг урсгасан байна. Марио боло хоор тоглолтын дараа өгсөн ярилцлагадаа “Би хөлбөмбөг тоглох уу эсвэл хүүхэд шиг баашлаад байх уу гэж түүнд хэлсэн. Гэтэл Тотти арьс өнгөөр ялгаварласан үг хэлж, удалгүй намайг өшиглөж танхайрсан. Түүнд өшиглүүлсэн гэхээсээ илүү үгээр доромжлуулсандаа сэтгэлээр унасан. Уг нь би түүнийг хүндэтгэдэг байлаа шүү дээ гэжээ.

5.Фердинандтай зөрчилдөв

Английн цомын хагас шигшээ шатны “МЮ”-“Ман Сити” багуудын тоглолтын дараагаар Марио бусдад үл мэдэгдэх шалтгаанаар айлын хамгаалагч Рио Фердинандыг зөр чилд өдөөн хатгажээ. Түүний турхиралтад орсон англи тоглогч итали залуугийн өөдөөс арслан бар мэт дайрч золтой л цохиод унагачихаагүй.

6.Залуучуудын шигшээд тоглоод хөөгдөв

Тэрбээр Италийн залуучуудын шигшээ багт багтан Шведийн эсрэг тоглохдоо гоол оруулж мандан бадарсан. Гэтэл хөлдүү зан нь гэнэт хөдөлж, зүв зүгээр явсан тоглогчийг өшиглөж танхайрав. Үүнийхээ төлөө талбайгаас хөөгдөн багаа хөөдөв.

7.“Ман Сити”-гийн залуус руу дартс шидэв

Марио “Манчестер Сити” багийнхаа залуучуудын багийн хөвгүүд рүү дартс шидэж танхайрав. Клубийн баазынхаа байшингийн хоёр давхраас ингэж этгээд авирласныгаа мань хүн “Өөрийгөө хөгжөөх гээд” гэж тайлбарласан байна. Түүний дартсанд хүн бэртэж гэмтээгүй ч клуб нь түүнд торгууль ногдуулжээ.

8.Моуриньогийн дүгнэлт

Моуриньо нэгэнтээ хэлсэн байдаг. Балотеллигийн толгойд нэг л нейрон байдаг. Ийм хүнийг сургана гэдэг бүтэшгүй зүйл гэж. Дасгалжуулагч нь ингэж ярьсныг мэдсэн Мариогийн этгээд зан улам даамжирч нэг үе эргүү төлөг шиг аашилсан гэдэг.

9.Биеэ тоов

2010 оны сүүлээр Италийн “Tuttosport” сэтгүүл Европын шилдэг залуу хөлбөмбөгчид олгодог “Алтан жаал” цомоороо түүнийг шагнав. Балотелли шагнал авах ёслолын үеэр үг хэлэхдээ өөрийнх нь ард бичигдсэн “Арсенал” клубийн хагас хамгаалагч Уилширийг огт мэдэхгүй хэмээн ярьжээ. Түүний хэлснийг үгчлэн сийрүүлбэл -Уил…? Тийм хүнийг мэдэхгүй юм байна. Түүнийг хэн гэдэг гэнэ ээ? Жек Уилшир гэсэн үү? “Арсенал”-тай хийх дараагийн тоглолтод хэн “Алтан жаал” цомын эзэн болсныг түүнд заавал харуулах болно. Түүгээр зогсохгүй өнөө цагийн хөлбөмбөгийн оддыг басамжилж томорсон байна. -Энэ цомыг хүртэж байсан Фабрегас, Руни, Ван дер Варт нараас би илүү. Одоогийн байдлаар Месси гэдэг ганц л тоглогч надаас бага зэрэг илүү байна. Түүнээс бусад нь миний зэрэгт хүрэхгүй.

10. Шууд эфирээр хараал хэлэв

Английн цомд түрүүлснийхээ дараа телевизийн шууд эфирээр ярилцлага өгөхдөө хараал хэлэв. Энэ улиралд хэрхэн тоглосон талаар сэтгүүлч асуухад баахан хараалын үг оролцуулж байгаад хариулт өгчээ.

Итали залуугийн ЭТГЭЭД ҮЙЛДЛҮҮД, 9.9 out of 10 based on 7 ratings