Английн залуу тоглогч Алекс-Оклэйд Чамберлайн Арсеналд ирлээ. Өдгөө 17 настай тэрээр  Саутгемптон багийн академиар хүмүүжсэн бөгөөд өнгөрсөн жилээс гарааны бүрэлдэхүүнд багтах болсон юм. Өнгөрсөн улиралд л гэxэд нийт 36 тоглолтонд 9 гоол оруулжээ.

Мөн Английн U21 шигшээ багт энэ жилээс тоглох болсон юм. Венгер шинэ тоглогчийнхоо талаар

“Алекс манайд ирж байгаад их баяртай байна. Манай довтолгооны хүчийг нэмж чадах тун авьяастай хүү. Хоёр жигүүрт тоглож чаддагаас гадна довтолгооны шугаманд ч сайн тоглодог юм байна лээ. Саутгемптонд түүний авьяас тодорсон ч гэсэн манай багт илүү сайжирч чадна гэж итгэж байна” хэмээлээ. Өнгөрсөн улиралд Чамберлайн  доод лигийн шилдэг багт багтсан юм.