Сери А лигт шинээр дэвшсэн Аталанта клуб шинэ улирлыг хасах зургаан онооны торгуультай эхлэх боллоо. Учир нь тэд өнгөрсөн улиралд тоглолтын үр дүнд нөлөөлсөн нь илэрсэн юм. Мөн тус багийн ахлагч Кристиано Дони гурван жил хагас хөлбөмбөг тоглох эрхээ хасуулжээ.

Дони давж заалдах эрхтэй бөгөөд хэрвээ амжилтанд хүрэхгүй бол 38 настай эрийн карьер ингээд дуусаж байна гэсэн үг.

Зодог тайлсан Лацио клубын ахлагч асан Жузеппе Синьори мөн энэ хэрэгт орооцолдож 5 жил   хөлбөмбөгтэй холбоотой ямар нэгэн үйл ажиллагаанд оролцох эрхээ хасуулсан бол доод лигийн Беневенто багийн хаалгач Марко Паолони багийнхаа тоглогчдыг сэргээшээр хангаж байсан учраас ийм хугацааны шийтгэл хүлээжээ.  Беневенто 9 оноо, Асколи 6 оноо, Пяценза 4 оноогоор тус тус торгууллаа.