“Нийслэл лиг” тэмцээний 41 дэх лигийг тэргүүлэгч “Хоромхон” хасагдах байранд бичигдэж байгаа Лигийн 6 удаагийн аварга “Эрчим” клубын хооронд явагдлаа.

Тоглолт эхнээсээ л гал гарсан тоглолтоор эхэлсэн бөгөөд аль аль нь чармайсаар. Ялангуяа 1 дүгээр үеийн дунд хэрд Эрчимийн довтолгоо гоол орох тун дөхсөнийг Хоромхоны хаалгач аюулгүй болгосон юм. Харин хариу довтолгоог “Хоромхон” клуб 2 дугаар үед харамгүй хийж, хашир туршлагатай довтлогч Ганболдын цохилтыг хаалгач, мэргэн бууч Амгалангийн мөргөлтийг хаалганы шон л аварлаа.

Ийнхүү гал гарсан тулаан ямар ч гоолгүй өндөрлөлөө. Ингэснээр лигийг өнгөлөгч “Хоромхон” клуб 18 оноотой болж байгаа бол Эрчим клубын хувьд тун таагүй мэдээ хүлээж байна. Тэд үлдсэн 3 тоглолтондоо хожигдохгүй байвал дараагийн шатанд шалгарах магадлал үүсэх юм.

Д/Д	Баг	Тоглолтын тоо	Хожил	Тэнцээ	Хожигдол	Оруулсан бөмбөг	Алдсан бөмбөг	Оноо
1	Хоромхон	11	4	6	1	16	16	18
2	Хүлэгүүд	10	5	1	4	18	18	16
3	Улаанбаатар Дээд Сургууль	10	4	3	3	15	12	15
4	Сэлэнгэ пресс	10	4	3	3	21	19	15
5	Хангарьд	10	3	5	2	17	13	14
6	Эрчим	11	3	3	5	15	18	12
7	FC Ulaanbaatar	10	2	3	5	19	19	9
8	Улаанбаатарын мазаалайнууд	10	1	6	3	7	13	9

 

Лигийн тэмцээний 42 дахь тоглолт 2011/08/16-ны 18.00 цагаас “Улаанбаатарын мазаалайнууд” клуб өөрийн талбай дээр Улаанбаатар Дээд Сургуулийн багийг хүлээн авна.

Мэргэн буучаар:

Х.Амгалан                  Хоромхон клуб                      10 гоол

Паул Ебука                 Хангарьд                                 6 гоол

Б.Нямжигжид             Хүлэгүүд баг                          5 гоол

Ц.Түмэнжаргал           Улаанбаатар ДС                     5 гоол

Минами Ёсукэ             Эрчим клуб                             5 гоол нар тэргүүлж байна.

 

МОНГОЛЫН ХӨЛБӨМБӨГИЙН ХОЛБОО

"Эрчим"-д хожигдох эрх үлдсэнгүй, 8.3 out of 10 based on 4 ratings