Хуучин Германы шигшээ багийн тоглогч Томас Хитцлспергер (29) Вольфсбург багтай гурван жилийн гэрээ байгууллаа. Тэрээр ирсэн даруйдаа Бямба гарагт болох 3-р тойргын тоглолтонд Боруссия Мөнхенгладбахын эсрэг гарааны бүрэлдхүүнд тоглох болов. Дасгалжуулагч Магатын үзэж буйгаар  Хитцлспергер нь  багийн  довтолгоонд  хоёрдугаар шугамаас дэмжих гол хүч болох гэнэ. Алсын цохилт сайтай хагас хамгаалагчыг Англид  Aston Villa –д тоглох үед нь „Hitz The Hammer“  гэж хочилдог байв. Тэрээр 2005 онд Бундеслигийн Штутгартад ирсэн юм.Томас Хитцлспергер 58 удаа шигшээ багтаа тоглосон бөгөөд  2010 онд Штутгартаас Лацио Ромд очиж , тэндээ ердөө зургаахан удаа гараанд гарсан юм. Үүнийхээ дараа West Ham United багт ирж гэмтэлийн улмаас олон тоглолт  өнжиж 2011 оны 5-р сард гэрээгээ хугацаанаас нь өмнө цуцалсан юм.