Нэг хожил, хоёр хожигдолтой яваа Вольфсбургчууд хамгаалалтын эгнээгээ зузаатгаж байна. Вольфууд хамгийн сүүлд Гладбахад 1:4 –өөр хожигдсоны дараа хамгаалалтыг чангатгахаар шийдсэн нь энэ юм. Феликс Магатын  гурван шинэ тоглогч бүгд үнэгүй ирж байгаагаараа онцлогтой. Ливерпульд 2012 онд гэрээ нь  дуусаж байгаа Крияакос (32) болон, Хорватын шигшээ багийн  тоглогч  Кале (26, Trabzonspor), мөн Франкфуртаас Крис (32) нар Вольфсбургт бэлтгэлээ хийж эхлээд байна. Одоогоор Крияакос, Кале нар гэрээгээ үзэглэсэн бол Крис тун удахгүй гэрээ байгуулах гэнэ. Магат “ Багийг хүчтэй болгохын тулд туршлагатай тоглогчид хэрэгтэй” гэж онцолжээ.

Вольфсбургт  сахилгын бан хүртэж  үндсэн багт тоглох эрхгүй болсон Диего Рибасыг бэлтгэлээс чөлөөлсөн шийдвэр гарсан байна.  Тийм учраас Диего өөртөө шинэ  баг хайх ажилдаа шамдан оржээ. Харин хамгаалагч Симон Каерийг АС Ром сонирхож байгаа гэнэ.