Лигийн 6 удаагийн аварга Эрчим хасагдах аюулаас баг багаар мултарсаар байна. Тэд өчигдрийн тоглолтоос лигийг тэргүүлэгчдээс 3 оноо салгаж чадлаа.
Тоглолт 49
Эрчим-Улаанбаатар Дээд Сургууль 2:0 (1:0)

Гоол: Б.Эрхэмбаяр 45+1, (1:0), Ц.Нямгомбо 66, (2:0)
Эрчим: Г.Дэлгэрдалай, Г.Билгүүн, Э.Пүрэвсүрэн, (Г.Батбилгүүн, 70), Б.Даваажав, Б.Эрхэмбаяр, (Т.Дүүрэнбаяр, 82), Ц.Энхжаргал, Б.Анар, Ц.Нямгомбо, (Ц.Энхтөр, 90+4), Т.Мөнхбаатар, З.Баттулга, Минами Ёсукэ,

Улаанбаатар Дээд Сургууль: Ц.Ганбаяр, Н.Цэдэнбал, О.Очбаяр, Б.Ганзориг, (Г.Батцэнгэл, 53), Э.Ганзориг, П.Алтантулга, Ц.Түмэнжаргал, Э.Ганцогт, М.Тэлмүүн, С.Мөнхгал, (Д.Лүмбэнгарав, 45), Б.Буман-Учрал,
Шар хуудас: Ц.Нямгомбо 79, О.Очбаяр 45, Э.Ганзориг 51, П.Алтантулга 71, Ц.Түмэнжаргал 80,
Улаан хуудас: О.Очбаяр 79,

270 минут үргэлжилсэн хаалгандаа гоол алдаагүй үзүүлэлт энэ удаа үгүй боллоо. Уг нь тоглолтын 1 дүгээр үед зочин баг давуу тоглолтыг үзүүллээ. Тэдний бөмбөг барилт 55:45 харьцаатайгаар эзэн багаас илүү байлаа. Гэвч 1 дүгээр үеийн нэмэлт цаг дээр булангаас цохисон бөмбөгийг Б.Эрхэмбаяр гоол болгосноор тэргүүлэл эзэн багт ирлээ. 2 дугаар үе эхлээд бэртэлтэй байсан тоглогч олон улсын хэмжээний мастер Д.Лүмбэнгарав тоглосон байна. Гэвч тоглолтын хожигдлыг эргүүлж чадсангүй. 66 дахь минутад Ц.Нямгомбо дахин нэг гоол хийснээр тооны харьцаа 2:0 болж, эзэн баг тун чухал хожлыг авлаа.

Тэд 1 дүгээр тойрогт 3-хан оноо авч байсан бол 2 дугаар тойргийн боломжит 18 онооноос 13 оноо авч гайхалтай тоглолтыг үзүүлж байна. Одоогийн байдлаар лигийн хагас шигшээд ганцхан баг шалгараад байгаа нь Улаанбаатар Дээд сургуулийн баг. Үлдсэн 7 багт бүгдэд нь боломжууд байна. Иймээс гал гарсан тоглолтууд энэхүү ажлын өдрүүдийн 17.30 минутаас МХБХ-ны ногоон талбай дээр үргэлжилсээр байна.
Өнөөдөр буюу 2011/08/25-ны 17,30-аас Хоромхон клуб талбай дээрээ Сэлэнгэпресс багийг хүлээн авч тоглоно. Хэрэв Хоромхон хожсон тохиолдолд дараагийн шатанд шалгарах эрхээ авах бол Сэлэнгэпресс хожигдвол хасагдах аюул нүүрлээд байна.