Тойргийн хамгийн сүүлийн тоглолт FC Ulaanbaatar клуб Улаанбаатарын мазаалайнууд багийг хүлээн авлаа. FC Ulaanbaatar клубт зөвхөн хожил, харин Эрчим клубт тэдний оноо алдах нь тун чиг хэрэгтэй зүйл байлаа.

Тоглолт 56

FC Ulaanbaatar-Улаанбаатарын мазаалайнууд 2:0 (1:0)

Гоол: Син Чол Жин, 45+2 пен, (1:0), Син Чол Жин, 56, (2:0)
FC Ulaanbaatar: Б.Сэргэлэн, Ч.Мөнхбат, Ким Миён Вон, Син Чол Жин, Б.Амарбаясгалан, (Б.Цогтбаатар, 75), А.Чинзориг, О.Баяржаргал, (Р.Серхат, 84), Б.Амартүвшин, (Ц.Пунцагдорж, 52), Б.Мөнхтогтох, Б.Дашдорж, Э.Эрдэнэболд,
Улаанбаатарын мазаалайнууд: Д.Содбаяр, Ө.Эрдэнэболор, Г.Ариунболд, М.Өлзийбүрэн, Р.Өнө-Эрдэнэ, С.Ганцолмон, Б.Золбоо, Э.Энхбадрал, М.Энхбадрах, Б.Билгүүн, Л.Жавхлан,
Тоглолтын эхнээс эзэн баг давамгайлж тоглов. Зочин багийн 1 дүгээр хаалгач Ж.Баяртулга, багийн ахлагч Б.Гарьдмагнай, авъяаслаг тоглогчид болох Д.Батцэнгэл, Ц.Төмөр-Очир, А.Хонгорзул нар нь торгуулийн улмаас тоглож чадаагүй нь тэдний тоглолтод илт нөлөөлж байв. Эсрэгээр эзэн баг багийн гол довтлогч Ж.Цацралаас бусад үндсэн тоглогчид нь тоглосон тул алдаа бага гаргаж байлаа.

Тоглолтын 1 дүгээр үеийн нэмэлт цагт зочин баг өөрийн хаалгачийн талбай дээр гар хүрсэн тул 11м-ийн торгуулийн цохилтоор шийтгэгдэв. Багийн лидер Дэлхийн Аварга Шалгаруулах Тэмцээний утаа үнэрлэсэн Син Чол Жин амжилттай гүйцэтгэж тооны харьцаа 1:0-ээр завсарлав. 1 дүгээр үеийн бөмбөг эзэмшил 60:40, Хаалганд цохилт 8:1, хаалга оносон цохилт 2:0, алдаа 0:3 булангийн цохилт 4:2 зэрэг бүх үзүүлэлтээр эзэн баг тэргүүллээ.
Хоёрдугаар үе эхлээд эзэн багийн довтолгоо амжилттай болж өнөөх л солонгос эр ахин гоолдлоо. Ийнхүү тоглолтын дүн тодорхой болсон тул эзэн баг солилцоо оруулж эхэлсэн. Тоглолтын 2 дугаар үеийн статистик үзүүлэлт бөмбөг эзэмшил 60:40, Хаалганд цохилт 8:2, хаалга оносон цохилт 1:0, алдаа 3:3 булангийн цохилт 2:0 зэргээр бас л эзэн баг давамгайлсан байна.

Ийнхүү тойргийн тоглолт өндөрлөлөө.
3 баг 21 оноотой жагссан бөгөөд хоорондын тоглолтын дүнгээр байр эзлүүлсэн бөгөөд FC Ulaanbaatar 7 оноо, Хоромхон 6 оноо, Эрчим 2 оноо авсан тул ийнхүү дараагийн шатнаас Лигийн 6 удаагийн аварга Эрчим мултарсан байна. Тэд эхний тойрогт зөвхөн 5 оноо авсан бол 2 дугаар тойрогт 16 оноо авч гайхалтай эргэн ирэлтийг авчирсан боловч ийнхүү харамсалтайгаар тоглолтоо өндөрлүүллээ.

 

Д/Д	Баг	Тоглолтын тоо	Хожил	Тэнцээ	Хожигдол	Оруулсан бөмбөг	Алдсан бөмбөг	Оноо
1	Улаанбаатар Дээд Сургууль	14	7	3	4	23	15	24
2	Хүлэгүүд	14	7	1	6	27	24	22
3	FC Ulaanbaatar	14	6	3	5	35	24	21
4	Хоромхон	14	5	6	3	20	22	21
5	Эрчим	14	6	3	5	23	20	21
6	Сэлэнгэ пресс	14	5	3	6	30	33	18
7	Хангарьд	14	3	5	6	20	26	14
8	Улаанбаатарын мазаалайнууд	14	2	6	6	9	23	12

 

Нийслэл лиг тэмцээн эхлээд нийт 187 гоол ороод байна. “Нийслэл лиг” тэмцээний мэргэн буучид:

Х.Амгалан                   Хоромхон клуб                        10 гоол

Ц.Түмэнжаргал            Улаанбаатар ДС                       10 гоол

Син Чол Жин              FC Ulaanbaatar                         10 гоол

А.Мөрөн                      Сэлэнгэпресс                           7 гоол

Паул Ебука                  Хангарьд                                  7 гоол

Б.Амарбаясгалан          FC Ulaanbaatar                         6 гоол

Д.Энхтайван                Сэлэнгэпресс                           6 гоол

Ж.Цацрал                    FC Ulaanbaatar                         6 гоол нар тэргүүлж байна.

Лигийн хагас шигшээ тоглолтууд:

2011/09/08	Пүрэв	17.00	I-IV	УЛААНБААТАР ДС	:	ХОРОМХОН
2011/09/09	Баасан	17.00	II-III	ХҮЛЭГҮҮД	:	FC ULAANBAATAR
2011/09/13	Мягмар	16.00	IV-I	ХОРОМХОН	:	УЛААНБААТАР ДС
2011/09/14	Лхагва	16.00	III-II	FC ULAANBAATAR	:	ХҮЛЭГҮҮД

 

МОНГОЛЫН ХӨЛБӨМБӨГИЙН ХОЛБОО

FC ULAANBAATAR хагас шигшээд үлдлээ, 9.8 out of 10 based on 6 ratings