Ц а г д а а г и й н болон галын техникийн дэлхийн наадам наймдугаар сарын 26-наас есдүгээр сарын 5-нд АНУ-ын Нью-Йорк хотноо боллоо. 100 гаруй орны 15 мянган тамирчин спортын 53 төрөлд өрсөлдсөн энэхүү тэмцээнд манайхан амжилтын арвин ургац хураажээ.

Хийн урт буунд О.Энхсайхан 587 оноогоор аваргалсан бол Б.Бишрэл (587), Я.Заяа (585) нар мөнгө, хүрэл медаль хүртлээ. Хэвтээ буудлагад Я.Заяа хоёр, Б.Бишрэл (хоёул 586) гурав, гурван байрлалаас буудах дасгалд Б.Бишрэл алт, О.Энхсайхан мөнгө, Я.Заяа хүрэл медалийн эзэн болжээ. Үүгээр зогсолгүй, мэргэн буудагчид гурван төрөлд өрсөлдөгч багуудаа хошуучилсан байна.

Жүдогийн 63 кг-д Ц.Цэрэннадмид (18-29 насны ангилалд), 78 кг-д Э.Аззаяа, мөн жинд (30-49 нас) Х.Батхишиг нар түрүүлэв. Э.Халиунболд оролцсон хоёр зайдаа бас манлайлжээ.