Шэньжэний Универсиадад амжилттай оролцсон их мастер Б.Мөнгөнтуул FIDEгийн “Том цом”-д оюунаа уралдуулахаар өчигдөр БНХАУ-ыг зорилоо. Есдүгээр сарын 6-20-нд дээрх хотод болох энэхүү тэмцээнд дэлхийн шилдэг 12 шатарчин тойргоор тоглож, ялагчаа тодруулах юм.

Манай шатарчин дэлхийн аварга Хоу Ифань, өнгөрсөн жил ДАШТ-д аман хүзүүдсэн Луань Руфей, Улаанбаатарын Гранприд өрсөлдөж байсан Катарын Жу Чень тэргүүтэй шилдгүүдтэй өрсөлдөнө. “Том цом”-ын дараагийн цуврал аравдугаар сарын 8-23-нд ОХУын Нальчик хотноо болох аж.