Тайландын Паттая хотноо есдүгээр сарын 3-13-нд хүндийг өргөлтийн өсвөр үе, залуучуудын Азийн АШТ болж 39 улсын туйванчид хүч сорьж байна. Тус тэмцээнд оролцсон манай тамирчин М.Анхцэцэг гурван мөнгөн медалиар энгэрээ мялааж улсын рекордыг зургаан удаа шинэчилжээ.

Монголын хүндийг өргөлтийн холбооны генсек Б.Гансүх энэ тухай мэдээлэл ирүүлсэн юм. Анхаа өсвөр үе, залуучуудын улсын рекордыг 15 удаа шинэчлээд зогсоогүй хамгийн залуудаа ОУХМ болсон нэгэн.