Их Британийн “Channel 4″  телевизийн суваг Английн Хөлбөмбөгийн  Холбоо (FA) нь мансууруулах бодис хэрэглэсэн тоглогчдийн нэрсийг нууж байна хэмээн мэдээлэлжээ. 2009/10 улиралд  Birmingham City-д гэрээтэй байсан нэгэн тоглогч кокаин хэрэглэсэн болох нь тестеер илэрч байжээ. Тухайн  үед түүнийг тоглохыг хориглосон торгуулийг  бэртэлтэй холбон тайлбарлаж өнгөрсөн байна. FA  хориотой бодисын тестийг олон тооны тоглогчдын дунд  хийсэн. Гэхдээ “Channel 4″  -ийн мэдээллэж буйгаар  Manchester City, Liverpool, Fulham, Everton, Newcastle болон бусад багуудын тоглогчид ирээгүйгээс  төлөвлөж байсан  тест авах ажиллагаа цуцлагджээ. Тус телевизийнхэнд  Канабис, Кокаин болон өөр төрлийн хориотой мансууруулах бэлдмэлүүдийг хэрэглэсэн тоглогчдын нэрсийн жагсаалт байгаа бөгөөд  одоогоор жагсаалтанд   Премьер лигийн 21 хөлбөмбөгчний   нэр бичигджээ.

Английн Хөлбөмбөгийн  Холбоо (FA)  цаашид тестэнд  эерэг үзүүлэлттэй гарсан тоглогчдын нэрсийг  ил болгохгүй юм байна. Ялангуяа  энэ асуудалд нэр холбогдсон залуу тоглогчдын нэрийг илүүтэй  нууцалж, цагаатгах боломжыг хайх гэнэ.

Гэхдээ  мансууруулах бодис хэрэглэсэн нь нотлогдсон тоглогчийг 6 сар тоглох эрхийг нь  хасах торгууль  хүчин төгөлдөр хэвээр байгаа юм байна.