Өнөө орой Европын цагаар 20-45 минутаас Европын шилдэг 32 баг оролцсон аваргуудын лигийн улирал  эхлэх гэж байна.  Энэ жил аваргуудын лигт хүч үзэх Премьер лигийн  дөрвөн багийн нэг  Английн 4 удаагын аварга Челси  өөрийн талбай дээр Германы Байер Леверкузен 04 багийг хүлээн авч тоглоно.

Челси “Гайхамшигт дөрвөл” –д бага хугацаа үлдсэн

Оросын тэрбумтан Абрамовичийн санхүүжүүлдэг  Челси  өндөр зэрэглэлийн тоглолтоороо олон жилийн турш ялгарч чадсан шилдэг багуудын нэг. Челсигийн бүрэлдхүүнд“Гайхамшигт дөрөв”  буюу  Фрэнк Лампард, Питер Чех,  Дидьер Дрогба болон Жон Терри гэсэн дөрвөн тоглогч  таван жилийн өмнөөс мөр зэрэгцэн тоглож байгаа билээ. Европын шилдэг дөрвөн тоглогч энэ урт хугацаанд нэг багт тоглосон  нь бас сонирхолтой. Энэ дөрвөн тоглогч нь асар их туршлага, авьяас чадвар,  хосолсон том хүч бөгөөд Челсигийн  зүрх гэж болно . Магадгүй  “Гайхамшигт дөрвөл” –ийн хувьд  өөрсдийн карьертаа  хамгийн сүүлийн удаа  хамтдаа энэ тэмцээнд аваргалах боломж байж болох юм..

Фрэнк Лампард хэдхэн хоногын өмнө болсон шигшээ багийн тоглолтонд гарааны бүрэлдхүүнд багтаагүй. Энэ нь мэдээж түүнд таатай сэтгэгдэл үлдээгээгүй байх. Лампард Болгарын эсрэг хийсэн тоглолтын эхний үеийг  сэлгээний суудлаас үзсэн юм  Тоглолтын хоёрдугаар үед Лампард талбайд сая нэг гарсан. Энэ нь нэг талаар  Фабио Капеллогийн шигшээ багт залуу залгамж халааг бэлдэх  бодлого байсан, нөгөө талаас Фрэнк Лампардын  “Three Lions” дахь карьер хараахан дуусах болоогүй илтгэсэн явдал болсон юм. Харин Челсид Лампард үргэлж талбайд нэг номерийн сонголт хэвээрээ байх болно. Одоогоор  Премьер лигийн  хүснэгтийн хоёрдугаарт бичигдэж байгаа Челсигийн хувьд Байер Леверкузен тийм ч хүчтэй өрсөлдөгчийн тоонд орохгүй байх. Гэхдээ Челсид тоглож байсан Михаэль Баллак хуучин багийнхаа эсрэг тоглохоор ирсэн. Тэд хамтдаа аваргуудын лигийн финалд үлдэж байсан билээ. Лампард Баллакийг асар их хүндэлж буйгаа хэлсэн юм.  Рууд Гуллит, Гуус Хиддинк эсвэл Луиз Филиппе Сколари болон Карло Анчелотти нар шиг нэрд гараагүй  хуучин Порто клубын дасгалжуулагч Андре Виллас Боаш энэ улирлаас Челсиг удирдах болсон . Түүний хувьд улирлын эхнээс л багтаа анхны шинэчлэлээ хийгээд  амжсан юм. Андре Виллас Боаш өнөөдрийн гараанд “Гайхамшигт дөрвөл” –ийн Дрогбагаас бусад тоглогчдыг гаргах төлөвтэй. Мөн шинэ тоглогч Раул Мерейлас болон Хуан Матаг гарааны бүрэлдхүүнд багтаажээ. Мэдээж Челси олны хувьд   тэмцээний гол өрсөлдөгчдийн нэгээр тооцогдож байгаа. Гэхдээ Германаас ирсэн танил биш залуус танил биш тактикаар гайхуулахыг хэн байг гэхэв болгоожлох нь зүйтэй болов уу.

Байер Леверкузенд олон улсын  туршлагатай  тоглогчид цөөн

Германы Бундеслигийн өнгөрсөн улиралд дэд аварга болсон Байер Леверкузен зургаан жилийн дараа аваргуудын лигт дахин оролцож байна.Тэдний  бүрэлдхүүнд шинэ тоглогчид олон ирээгүй ч зарим чухал тоглогчидоо багаасаа явуулсан юм. Тухайлбал багийн гол тоглогчийн нэг Артуро Видалийг Итали руу явуулсан. Мөн дасгалжуулагч Юп Хайнкесийг Фрайбургийг дасгалжуулж байсан Робин Дуттээр сольж авсан билээ.

Леверкузений хувьд залуу тоглогчид олон буйгаас  гадна олон улсын тавцанд тоглосон туршлагатай тоглогчид цөөхөн байгаа нь магадгүй сул тал нь байж болох талтай. Михаэль Баллак хур их туршлагаа ашиглаж багийн залуучууддаа аль болох мэдээллээ хүртээх нь дамжиггүй. Тэрээр Челсигийн тоглогчдын онцлог болоод тактикийн ерөнхий бүтцийг маш сайн мэднэ. Баллак энэ багт хамгийн олон удаа энэ “хүндтэй тайзан”  дээр тоглож байсан бөгөөд Ханно Балич болон Микал Кадлец, Эрин Дердийок мөн Гонзало Кастро зэрэг тоглогчид тус бүртээ хэд хэдэн  удаа аваргуудын лигийн тоглолтонд оролцож байсан аж. Улирлын эхэнд гэмтэлтэй байгаа үндсэн хаалгач Адлерийг орлосон хаалгачид үүргээ хангалттай биелүүлж чадаагүй. Тиймээс Штутгартаас Бернд Лено хэмээх залуу хаалгачийг зээлээр авчирсан юм. Лено Дортмундын эсрэг гайхалтай тоглож ирээдүйн  шилдэг хаалгачдын нэг гэдгээ нотлон харуулсан юм. Леверкузенд энэ жил  ирсэн Андре Шурле шилдэг формтой байгаа  мөн довтлогч Штефан Кийслинг болон Симон Рольфес нарын залуусыг дутуу үнэлж болохгүй.

Дасгалжуулагч Робин Дуттын хувьд өнгөрсөн улиралд хамгийн бага төсөвтэй Фрайбургыг удирдаж 9 –р байрт улирлаа дуусгаж чадсан юм. Түүнийг Фрайбургыг удирдах явцад Байер Леверкузен дасгалжуулагчаар ажиллах санал анх тавьж байлаа. 2005 онд Байер Леверкузен аваргуудын лигт Ливерпүүльтэй тоглох (1:3 харьцаатай хожигдсон) үед одоогийн хамгаалагч Штефан Райнарц бөмбөг зөөдөг хүү байсан бол, хаалгач Бернд Лено С –өсвөрийн багт тоглодог , дасгалжуулагч Робин  Дутт Штутгартын дөрөвдүгээр багтай ажиллаж байжээ.  Тэрээр анх удаа аваргуудын лигт хөл тавьж байгаа дасгалжуулагч юм.

Баллак  залуусдаа “ Челсигийн гараанд нэр бүхий шилдэг тоглогчид байгаа. Мэдээж тэднийг хүндлэх нь зүй ёсны хэрэг , гэхдээ тэднээс айх ямар ч шаардлага байхгүй. Бид зөвхөн хөлбөмбөг л тоглоно” гэж захиж байна.Түүх сөхвөл Леверкузен 2002 онд Баллакийн хамтаар гайхалтай тоглолт үзүүлсээр  финалд шалгарч байсан тохиолдол бий. Магадгүй энэ явдал давтагдахыг үгүйсгэх аргаггүй билээ. Леверкузен айлын талбайд хожигдолгүй тэнцээ авах нь хангалттай юм.

 

 

Шүгэл дуугарахын өмнө: Челси- Байер Леверкузен, 10.0 out of 10 based on 6 ratings