Аваргуудын H хэсэгт учраа таарсан Барселона – АС Милан багуудын тоглолт өнгөрсөн шөнө явагдлаа. Камп Ноу цэнгэлдэхэд явагдсан уг тулаан 2 : 2-оор тэнцээгээр өндөрлөлөө. Цаг дуусах хүртэл Каталоны баг 2 : 1-ээр тэргүүл байсан боловч Тиагу Силва  90+2 минутад тэнцээний бөмбөгийг багтаа авчирсан юм.

Барса урьдын адил бөмбөг эзэмшилт, зохион байгуулсан довтолгооны тоогоороо илүүрхлээ. Тэд 75 хувьтай бөмбөгөө эзэмшиж,  нийт 22 удаа цохилт хийсний 7 нь хаалга руу чиглэжээ. Харин Миланчуудын  цохисон 6 цохилтоос   3 нь хаалга руу чиглэж хоёр гоол оруулжээ.

Талбайн шүүгч Мартин Аткинсон шүглээ үлээгээд ердөө 30 секунд ч өнгөрөөгүй байхад Алешандре Пато довтолгоонд орлоо. Барсагийн хамгаалалтыг сэтэлсэн тэрээр Валдесийг амархан аргалж гоолын салхийг хагалсан юм. Энэ гоол Каталоны багийг багагүй сандралд оруулсан. Гэхдээ талбайн эзэд тоглолтын үлдсэн минутыг давамгайлж өнгөрүүлсэн.
Тэдний удаа дараалсан довтолгоо 36 дахь минутад амжилтанд хүрлээ. Леонел Месси зүүн жигүүрээр довтолгоонд орж хөндлөн дамжуулалт өгөхөд Педро түүнийг нь гүйцээж гоол болгосон.
Үүнээс хойш ч Барсагийнхан довтолсоор байлаа. 39 дэх минутад Иньеста бэртэл аван сэлгээнд сууж Фабрегас талбайд орж ирсэн. Харин Миланаас Кевин-Принс Боатенг бэртсэн тул Массимо Амброзини талбайд орж ирсэн юм.
50 дахь минутад Вилья чөлөөт цохилтоос гоол оруулснаар тэргүүллийг Барса авлаа. Гэвч Барса талбайдаа хожил авах хувьгүй байжээ. 90 дэх минутад Тиагу Силва булангийн цохилтоо ирсэн бөмбөгийг мөргөн тэнцээний бөмбөгийг оруулсан юм. Ийнхүү АС Милан Барсагийн талбайгаас 1 оноотой буцлаа.

Барселона. Стадион “Камп Ноу”. Шүүгч- Мартин Аткинсон (Англи). БАРСЕЛОНА – МИЛАН – 2:2 (1:1) Пато, 1 (0:1). Педро, 36 (1:1). Вилья, 50 (2:1). Тиагу Силва, 90+2 (2:2). Барселона Милан  Виктор Вальдес  Кристиан Аббьяти  Даниэл Алвес  Алессандро Неста  Эрик Абидаль  Джанлука Дзамбротта  Хави  Игнасио Абате  Андрес Иньеста (39)  Тиагу Силва  Хавьер Маскерано  Марк Ван Боммель (78)  Сейду Кейта (67)  Кларенс Зеедорф  Серхио Бускетс  Антонио Ночерино  Давид Вилья (84)  Кевин-Принс Боатенг (33)  Лионель Месси  Антонио Кассано (62)  Педро Родригес  Пато Сэлгээ   Сеск Фабрегас, 39  Массимо Амброзини, 33  Карлес Пуйоль, 67  Урби Эмануэльсон, 62  Ибрагим Афеллай, 84  Альберто Аквилани, 78 Шар хуудас  Давид Вилья, 52  Марк Ван Боммель, 18  Даниэл Алвес, 70  Алессандро Неста, 57  Карлес Пуйоль, 90+2