Мэргэжлийн сүмо бөхийн аки башёд түрүүлэх, эсвэл түрүү бөхтэй дүйцэхүйц амжилттай барилдвал ёкозүна цол хүртэнэ гэгдэж байсан Харүмафүжи дөрөв дэх өдрийн барилдаанд өвдөг шороодлоо. Башёгийн хоёр дахь өдрийн барилдаанд баруун жигүүрийн маэгаширагийн тэргүүн бөх Окиноүмид цүкиотоши мэхээр өвдөг шороодсон тэрбээр өчигдөр зүүн жи гүүрийн маэгашираг тэргүүлж буй Хомашотой барилдаж, ошитаоши мэхээр ялагджээ.

Башё дөнгөж эхлээд хоёр удаа өвдөг шороодсон учраас Харүмафүжид түрүүлэх найдлага бараг үгүй болж байна. Харин Хакүхо болон бусад бөх хэрхэн барилдсанаас түүний хувь заяа шийдэгдэх биз ээ. Дээд зиндаанд барилдаж буй ёкоз үна Хакүхо М.Даваажаргал Ваканосатог ёрикири мэхээр давж, дөрөв дэх даваагаа авсан бол сэкиваки Какүрюү М.Ананд комүсүби Тоёоношимаг ошитаоши мэхээр давжээ.

Мөн Токитэнкү А.Хүчитбаатар Такаяасүг, Асасэкирюү Б.Дашням Таканоямаг тус тус давлаа. Түүнчлэн Кёкүтэнхо Н.Цэвэгням, Тамаваши Б.Мөнх-Оргил нар барилдаж, макүүчи зиндааны хамгийн ахмад бөх Кёкүтэнхо давснаар дөрвөн даваатай болоод байна.